Read Swahilli Yoshua Mwana wa Sira 22 Bible Online

Yoshua Mwana wa Sira 22 - Swahilli bible

Yoshua Mwana wa Sira 22

¹Mvivu Mvivu hufanana na jiwe litiwalo mavi, Kila mtu atamfyonya katika aibu yake.

²Mvivu hufanana na uchafu wa jaani, Kila augusaye atakung'uta mkono. Watoto wapotovu

³Ni aibu ya baba kuzaa mwana aliye juha, Na binti asiye na akili ni hasara yake.

⁴Binti mwenye busara ni tunu kwa mumewe; Bali aletaye aibu ni huzuni ya mzazi wake.

⁵Aliye mtundu huwaaibisha baba na mume, Naye atadharauliwa na wote wawili.

⁶Mafundisho wakati usiofaa ni ngoma kwenye kilio; Bali mapigo na adhabu ni hekima wakati wowote. Hekima na ujinga

⁹Amfundishaye mpumbavu ni kama mwenye kuunga vigae; Kama mwenye kumwamsha mtu alalaye usingizi mzito.

¹⁰Mtu anayezungumza pamoja na mpumbavu amefanana na yeye anayezungumza na mwenye kusinzia; mwishowe atasema, Nini?

¹¹Umlilie aliyefariki, Kwa maana amepotewa na nuru; Umlilie mpumbavu naye Kwa maana amepotewa na akili. Umlilie kiasi aliyefariki, Kwa maana ameingia rahani; Bali maisha ya upumbavu Ni mabaya kuliko mauti.

¹² Siku saba ndizo siku za kilio chake aliyefariki; Bali kwa mpumbavu ni siku zote za maisha yake.

¹³Usizidi kuongea na mpumbavu, Wala usimwendee asiye na akili. Ujihadhari naye usije ukapata matata; wala usitiwe unajisi atakapojikung'uta. Ujigeuzie mbali naye, nawe utapata raha; wala hutakuja kuchoka kwa ajili ya wazimu wake.

¹⁴Nini iliyo nzito kuliko risasi? Na jina lake nani? Ila mpumbavu!

¹⁵Mchanga na chumvi na chuma kitupu, Ni rahisi kuhimili kuliko mpumbavu.

¹⁶Maboriti yaliyokazwa katika jengo hayatalegalega wakati wa tetemeko; vivyo hivyo moyo uliothibitishwa katika shauri lenye njia hautaogopa wakati wa hatari.

¹⁷Moyo uliokazwa juu ya akili zingativu umefanana na pambo la lipu juu ya ukuta uliokatuka.

¹⁸Mbwe juu ya ukuta mrefu hazitakaa mbele ya upepo; vivyo hivyo na moyo mwoga katika wazo la mpumbavu hautasimama mbele ya hofu yoyote. Jinsi ya kutunza urafiki

¹⁹Alitiaye jicho jeraha hutokeza machozi, naye autiaye moyo jeraha huvunja urafiki.

²⁰Mwenye kuwatupia ndege mawe huwafukuza, naye anayemkaripia rafiki huondoa urafiki.

²¹Ukiwa umefuta upanga juu ya rafiki, usikate tamaa, Yawezekana kuwa kurudiana;

²²Ukiwa umefumbua kinywa juu ya rafiki, usiogope, Yawezekana kuwa kupatana tena. Isipokuwa kwa ajili ya lawama na jeuri, Na kuifunua siri yake, Na mapigo yaliyotendeka katika uhaini; Kwa hayo kila rafiki hukimbia.

²³Upate kuaminiwa na jirani yako wakati wa umaskini wake, ili wakati atakapofanikiwa upate nawe kuchangamka; uwe thabiti kwake wakati anapoteswa, ili uwe mrithi pamoja naye katika urithi wake.

²⁴Upo moshi wa tanuri kabla ya moto; kadhalika yapo matukano kabla ya kumwaga damu.

²⁵Usione haya kumsitiri rafiki yako, wala usijifiche machoni pake;

²⁶akikuambia siri usiitangaze, mtu asikiaye asije akakudhania u mfitini. Sala ya kusaidiwa juu ya dhambi

²⁷Nani ataweka mlinzi kinywani pangu, Na mhuri midomoni mwangu? Nisije nikaanguka kwa ajili yake, Na ulimi wangu ukaniangamiza.