Read Swahilli Yoshua Mwana wa Sira 25 Bible Online

Yoshua Mwana wa Sira 25 - Swahilli bible

Yoshua Mwana wa Sira 25

¹Wastahilio sifa Kuna mambo matatu yanipendezayo, Ni mazuri mbele za Mungu na wanadamu; Umoja wa ndugu, Urafiki wa majirani, Na mke na mumewe wanaopatana.

²Kuna watu wa namna tatu wanichukizao, Na mwenendo wao unanikirihi; Maskini mwenye kiburi, Tajiri aliye mwongo, Na mzee mzinifu asiye na ufahamu. Wazee

³Katika ujana wako hukukusanya Utapata wapi upatapo kuwa mzee?

⁴Ee ajabu ya uzuri wa uteuzi kwao wenye mvi, na kwa wakuu wajuao shauri!

⁵Ni nzuri kama nini hekima ya wazee, na mawazo yenye shauri ya wale walioheshimiwa!

⁶Ustadi wa kuzoea ni taji la wazee, na utukufu wao ni kumcha BWANA. Mithali ya hesabu

⁷Kuna mambo tisa niliyoyafikiri, Na moyoni mwangu nimeyaita heri; Mtu mwenye kuwafurahia watoto wake, Aliye hai akaona adui zake wamepotea,

⁸Heri yule mume mwenye mke wa ufahamu. Naye yule asiyeteleza kwa ulimi wake. Naye asiyemtumikia mtu asiyestahili,

⁹Naye yu heri aliyejipatia rafiki amini, Naye asemaye masikioni mwa wasikivu,

¹⁰Naye aipataye hekima ni mkuu kama nini! Lakini hakuna ampitaye mcha BWANA.

¹¹Hakika kicho cha BWANA hupita mambo yote;

¹²Aliye nacho aweza kulinganishwa na nani? Baadhi ya uovu uliokithiri

¹³Msiba wowote ila msiba wa moyo; Uovu wowote ila uovu wa mwanamke;

¹⁴Baa lolote ila litokalo kwao wanichukiao; Kisasi chochote ila kisasi cha adui;

¹⁵Hakuna sumu ipitayo sumu ya nyoka; Hakuna hasira kuliko hasira ya mtesi. Uovu wa mwanamke mbaya

¹⁶Ningependa kukaa na simba na joka kuliko kukaa nyumbani pamoja na mwanamke mbaya,

¹⁷Ubaya wa mwanamke huubadili uso wake kuwa wa kutisha, na kumtia sura yake giza kama ya dubu.

¹⁸Mumewe akikaa chakulani pamoja na jirani zake, bila kusudi aweza kupiga kite kwa majonzi.

¹⁹Ukorofi wote si kitu kama ukorofi wa mwanamke; mwenye dhambi na ampate kuwa sehemu yake!

²⁰Kama kuipanda njia ya mchangani kwa miguu ya mzee, ndivyo alivyo mke mwenye maneno mengi kwa mtu mtulivu.

²¹Usinaswe na uzuri wa mwanamke, wala usimtamani mwanamke kwa ajili ya mali yake.

²²Kuna utumwa mzito, na fedheha, iwapo mwanamke humlisha mumewe.

²³Mwanamke mbaya ni unyong'onyevu wa roho, na huzuni ya uso, na kujeruhi moyoni. Mwanamke asiyetaka kumfurahisha mumewe amefanana na mikono iliyolegea na magoti yaliyopooza.

²⁴Mwanzo wa dhambi ulitoka katika mwanamke, na kwa sababu yake sisi sote tunakufa.

²⁵Usiyapatie maji mahali pa kutoka, wala usimpe mwanamke mbaya nafasi ya kusema kwa ujasiri.

²⁶Tena iwapo haendi kama wewe utakavyo, mpe hati ya talaka.