Read Swahilli Yoshua Mwana wa Sira 26 Bible Online

Yoshua Mwana wa Sira 26 - Swahilli bible

Yoshua Mwana wa Sira 26

¹Furaha ya mke mwema Bali yu heri mumewe akipata mke mwema, hata jumla ya siku zake zitakuwa maradufu.

²Mwanamke hodari humfurahisha mumewe, naye ataitimiza miaka yake katika amani.

³Mke mwema ndiye tunu bora, mcha BWANA atatunukiwa huyo kifuani pake.

⁴Kwamba mtu ni tajiri au kwamba ni maskini, moyo mwema humwia siku zote uso wa kuchangamka. Maovu ya hali ya juu ya mke mwovu

⁵Mambo matatu moyo wangu uliogopa, Na la nne niliona hofu nyingi; Masingizio ya mjini, Na umati wa watu wengi, Na msuto wa uongo, hayo yote ni magumu kuliko mauti.

⁶Aidha, mwanamke amwoneaye wivu mwanamke mwingine ni huzuni ya moyo na simanzi hasa, tena msiba mkuu wa mke mwenye maneno mengi ndio upitao mambo yote pamoja.

⁷Mwanamke mbaya Ni kama nira ngumu; Amshikaye ni kama ashikaye nge.

⁸Mwanamke mlevi Huchochea ugomvi; Asitake kuificha fedheha yake.

⁹Mwanamke malaya Huinua macho yake; Utamtambua pote kwa kope zake.

¹⁰Mlinde sana binti aliye mshupavu, Asijipatie uhuru na kuutumia;

¹¹Mwangalie vema aliye mkavu wa macho, Wala usisituke akikukosa.

¹²Atafumbua kinywa kama msafiri mwenye kiu, Na kunywa maji yoyote yaliyo karibu; Penye kila kituo atakaa kitako, Alifungue podo lake kwa kila mshale. Baraka ya mke mwema

¹³Mke mwenye neema Humpendeza mumewe; Na maarifa yake yatamnenepesha.

¹⁴Mwanamke mtulivu Ni tunu ya BWANA;

¹⁵Wala hakuna badala ya mtaalamu. Mwanamke mwenye haya Ni neema juu ya neema; Tena roho ya utauwa haina bei.

¹⁶Kama lilivyo jua kunapopambazuka Katika mahali pa BWANA palipo juu sana. Ndivyo ulivyo uzuri wa mke mwema Katika madaraka ya nyumbani mwake.

¹⁷Taa ing'aavyo juu ya kinara kitakatifu, Kadhalika uzuri wa uso katika uzee;

¹⁸Nguzo za dhahabu juu ya kiako cha fedha, Ni miguu mizuri juu ya nyayo imara. Vitu vitatu vihuzunishavyo

²⁸Kwa mambo mawili moyo wangu una huzuni, Na kwa la tatu hasira imeniingilia; Askari mwenye taabu ya ukata, Wenye elimu waliodharauliwa, Naye aliyerudi nyuma toka haki hata dhambi. Huyo hakika BWANA atamwekea tayari upanga wake. Majaribu ya Biashara

²⁹Kwa shida tajiri atajilinda na uovu, Wala mfanya bishara hataepuka dhambi.