Read Swahilli Yoshua Mwana wa Sira 27 Bible Online

Yoshua Mwana wa Sira 27 - Swahilli bible

Yoshua Mwana wa Sira 27

¹Ni wengi waliokosa kwa ajili ya faida, naye atafutaye kizidisha utajiri atageuzia upande jicho lake.

²Kigingi kitashika kati ya miungo ya mawe, na dhambi itajipenyeza kati ya kununua na kuuza.

³Basi mtu asipokaza kumcha BWANA kwa bidii, nyumba yake itaangamizwa upesi. Majaribu katika maisha

⁴Kutikisa chekecheke, itabakishiwa; Vile vile ila za mtu katika kujadili.

⁵Tanuri hujaribu vyombo vya mfinyanzi; Vile vile jaribio la mtu ni kujadili.

⁶ Matunda ya mti huonesha ulimaji wake; Vile vile kujadili mawazo ya moyoni.

⁷Usimsifu mtu usijemsikia anajadili; Hakika hilo ni jaribio la wanadamu. Thawabu na adhabu

⁸Ukiifuata haki, hakika utaipata, Na kujivika nayo kama kwa joho bora.

⁹Ndege hufanya kikao na ndege, Na kweli itawarudia waifanyao. Aina za mazungumzo

¹⁰Simba huyaotea mawindo yake, Na dhambi wao wafanyao uovu.

¹¹Maongezi ya mtaalamu ni hekima siku zote, Bali mpumbavu hubadilibadili kama mwezi.

¹²Katikati ya wajinga uiangalie nafasi yako, Bali ukae daima pamoja na wazingativu.

¹³Mazungumzo ya wapumbavu ni machukizo, na kucheka kwao ni tamaa mbaya ya dhambi.

¹⁴Matusi ya msafiri husimamisha nywele, Na magomvi yao ni sababu ya kuziba masikio.

¹⁵Ugomvi wa wenye kiburi ni kumwaga damu, Na matukano yao ni vigumu kuyasikia. Siri za usaliti

¹⁶ Mwenye kufunua siri huivunja imani, Wala hatapata rafiki wa nafsi yake.

¹⁷Umpende rafiki yako, na uwe mwaminifu kwake; lakini ukizifunua siri zake, usifuate nyuma yake;

¹⁸kwa maana kama mtu kumharibu adui yake, wewe umeuharibu urafiki wa jirani yako.

¹⁹Kama ndege uliyemwachilia mkononi mwako, umemwacha jirani yako, wala humpati tena;

²⁰usimfuate, amekwenda zake mbali, ameokoka kama paa mtegoni.

²¹Mradi jeraha itakuja kufungwa, hata baada ya mashutumu kuna mapatano; bali mwenye kufunua siri hana tumaini. Unafiki na malipo yake

²²Mwenye kung'ong'a huwaza maovu, Nawe amjuaye atajitenga naye.

²³Ukiwa umekuwapo, atasema ya kupendeza, na kuyastahi maneno yako; ila hatimaye atakipotoa kinywa chake, na kuyatatiza yale maneno yako.

²⁴Mambo mengi nimeyachukia, lakini hakuna mfano wa huyo; naye BWANA mwenyewe atamchukia.

²⁵Atupaye jiwe juu hulitupa juu ya kichwa chake mwenyewe; na kwa pigo la hila waweza kujitia jeraha.

²⁶Achimbaye shimo atalitumbukia; na mwenye kutega mtego atanaswa nao.

²⁷Afanyaye maovu yatamrudia juu yake mwenyewe, asijue yamemjia kutoka wapi.

²⁸Mzaha na shutumu hutoka kwa mwenye kutakabari, kwa hiyo kisasi kitamwotea kama simba.

²⁹Wanaosimanga kuona anguko la mwenye adili watanaswa katika shabuka; kwa maumivu yao watadhoofu kabla ya kufa kwao. Hasira na Kisasi

³⁰Hasira na ghadhabu, haya pia ni machukizo, na aliye mwenye dhambi yatampata.