Read Swahilli Yoshua Mwana wa Sira 32 Bible Online

Yoshua Mwana wa Sira 32 - Swahilli bible

Yoshua Mwana wa Sira 32

¹Adabu karamuni Je! Umechaguliwa mkuu wa meza? Usiinuke; uwe miongoni mwao kama mmoja wao; uwaangalie na kuwaketisha vizuri.

²Ukiisha kufanya kazi yako ukipokee kiti chako; uifurahie heshima yao na kuvishwa shada kwa uangalifu wako.

³Wewe uliye mzee, useme, maana yakupasa; lakini kwa maarifa yenye njia, wala usizuie kuimba.

⁴Usikupue maneno panapo mchezo wa kuimba; wala kutembeza hekima yako wakati usiofaa.

⁵Kama mhuri wa yakuti katika kijalizo cha dhahabu, Ndivyo ilivyo tarabu penye karamu ya mvinyo;

⁶Kama mhuri wa zumaridi katika kazi ya dhahabu, Ndivyo ilivyo tafrija pamoja na divai tamu.

⁷Wewe uliye kijana, useme, ikiwa unatakiwa; lakini kwa shida ukiulizwa mara mbili.

⁸Katiza maneno, mengi kwa machache, uwe kama ajuaye lakini akaa kimya;

⁹miongoni mwa wakuu usijifanye sawa nao, na mwingine asemapo usidukize maneno yako.

¹⁰Kutangulia ngurumo umeme hupita kasi, na mbele ya mwenye haya kibali hutokea.

¹¹Basi uondoke mapema, usiwe wa mwisho, uende nyumbani kwako usikawie;

¹²ndipo utakapo starehe na kufanya mapenzi yako, lakini usifanye dhambi ya kujivuna.

¹³Kwa hayo yote umhimidi Yeye aliyekuumba, na kukumwagia mema yake. Ulinzi wa Mungu

¹⁴Amchaye BWANA atakubali mapigo yake, Nao wamtafutao mapema watapata kibali.

¹⁵Mtaali torati atashiba torati, Bali mnafiki atajikwaa humo.

¹⁶Wamchao BWANA wataelewa na hukumu, Na kuangaza matendo mema kama nuru.

¹⁷Mwenye jeuri hukataa kukemewa, Ajivutia torati kama atakavyo.

¹⁸Mwenye shauri hatadharau dokezo; Bali mwenye kiburi hapokei mafundisho.

¹⁹Pasipo shauri usifanye neno; Kisha kulifanya usije ukajuta.

²⁰Katika njia iliyoparuza usiende, Wala kujikwaa katika jiwe mara mbili;

²¹Hata katika njia laini uangalie,

²²Na kujihadhari mapito yako.

²³Katika kila kazi uiamini roho yako, Atendaye hayo huishika amri;

²⁴Aishikaye torati huihifadhi roho yake, Wala amwaminiye BWANA hapati hasara.