Read Swahilli Yoshua Mwana wa Sira 46 Bible Online

Yoshua Mwana wa Sira 46 - Swahilli bible

Yoshua Mwana wa Sira 46

¹Yoshua na Kalebu Yoshua mwana wa Nuni alikuwa mtu hodari wa vita, na mtumishi wa Musa katika kazi ya unabii. Kama lilivyokuwa jina lake akakuzwa, awe wokovu mkuu wa wateule wa Mungu; ili kuwalipiza kisasi adui waliowaondokea; ili kuwapa Israeli urithi wao.

²Jinsi alivyokuzwa akinyosha mkono wake, Alipoufuta upanga wake juu ya mji!

³Ni nani aliyeweza kusimama mbele yake, Mradi alipigana vita vya BWANA?

⁴Je! Jua halikusimama kwa amri yake, Hata siku moja ikawa kama mbili?

⁵Kwa maana alimwita Mungu Aliye Juu, Adui zake walipomsonga pande zote. Naye Mungu Aliye Juu akamwitikia kwa mvua ya mawe ya barafu;

⁶Yeye akayatupa kwa nguvu juu ya taifa la adui; na penye yale materemko akawaangamiza wale walioipinga njia; ili mataifa yote waliolaaniwa wapate kujua ya kwamba BWANA alikuwa akichungulia kupigana kwao. Kalebu

⁷ Na ya kuwa huyo alimfuata Mungu kwa moyo wake wote. Tena siku za Musa huyo alifanya kazi ya utauwa, yeye pamoja na Kalebu mwana wa Yefune, kwa vile walivyosimama imara mkutano walipotupa kiasi, ili kugeuzia hasira mbali na makusanyiko, na kuyatuliza manung'uniko ya uovu.

⁸Basi katika watu elfu mia sita hao wawili wakahifadhika peke yao, ili kuwaleta katika urithi wao, katika nchi iliyojaa maziwa na asali.

⁹Na Kalebu naye BWANA akamjalia nguvu, ikakaa naye hata uzee wake, apakanyage mahali pa nchi palipoinuka, na wazao wake wakapapate kuwa urithi;

¹⁰ndiyo maana wazao wa Yakobo wajue ya kwamba ni kuzuri kumfuata BWANA. Waamuzi

¹¹ Pia na waamuzi, kila mmoja kwa jina lake, wote ambao mioyo yao haikudanganywa, wala hawakugeukia mbali na BWANA, kumbukumbu lao na libarikiwe.

¹²Hata na mifupa yao ifanikiwe panapo makao yao, na majina ya hao wenye kuheshimiwa yachipuke miongoni mwa watoto wao. Samweli

¹³ Samweli aliheshimiwa na watu wake, akapendwa na Mola wake, ambaye akaazimwa kwa BWANA toka tumboni mwa mamaye; mnadhiri wa BWANA katika unabii, mwamuzi na mfanya kazi ya ukuhani. Yeye kwa neno la Mungu aliuratibisha ufalme, na kuwapaka mafuta watawala wa watu wake.

¹⁴Kwa Torati ya BWANA aliwaamua watu, Naye BWANA akawajilia Yakobo.

¹⁵Kwa uaminifu akawa mwona aulizwaye, Na kwa jibu lake akawa mwona amini.

¹⁶Adui walipomsonga alimwita BWANA, Mwenye nguvu, Akitoa dhabihu ya mwana-kondoo;

¹⁷BWANA naye akanguruma kutoka mbinguni, Na kwa mshindo akaisikiza sauti yake.

¹⁸Yeye naye aliwaangamiza kabisa wakuu wa maadui, na mabwana wote wa Wafilisti.

¹⁹Na wakati alipokuwa tayari kulala usingizi wa mauti, mbele za BWANA na mbele ya Masihi wake alijitetea kwa ujasiri, Kwa mkono wa nani nimepokea rushwa, hata jozi ya viatu? Wala hakuna aliyemshitaki.

²⁰Hata akiisha kufariki aliulizwa unabii, akamjulisha mfalme mwisho wake, akaiinua sauti yake kutoa unabii kutoka chini ya nchi, ili kuufuta uovu wa watu.