Read Swahilli Yoshua Mwana wa Sira 48 Bible Online

Yoshua Mwana wa Sira 48 - Swahilli bible

Yoshua Mwana wa Sira 48

¹Eliya Ndipo, aliposimama Nabii Eliya, kama moto, hata na neno lake likawaka kama tanuri.

²Yeye alileta njaa juu yao, na kwa juhudi yake akawapunguzia hesabu yao;

³kwa neno la BWANA akazifunga mbingu, na mara tatu kutoka huko akateremsha moto.

⁴Jinsi ulivyotisha kwa miujiza yako! Aliye mfano wako ataona fahari.

⁵Aliyekufa ulimfufua katika mauti, Kutoka kuzimu, kwa neno la BWANA.

⁶Ukawashusha wafalme mpaka shimoni, Na watu wateule vitandani mwao.

⁷Ukapaka mafuta wafalme kwa kisasi, Na nabii ili akufuate nyuma yako.

⁸Ulisikia makaripio huko Sinai, Na hukumu za kisasi huko Horebu.

⁹Ukachukuliwa juu katika kisulisuli, Katika gari la farasi wa moto.

¹⁰Ukaandikiwa kuwa utaleta makemeo, Ili kutuliza hasira siku ile ya BWANA; Kugeuza moyo wa baba umwelekee mwana Na kuhuisha kabila za Israeli.

¹¹Bila shaka wamebarikiwa wale waliokuona kwa macho, wakafa; lakini wewe umezidi kubarikiwa, kwa maana unaishi. Elisha

¹² Ndiye huyo Eliya aliyefunikwa kwa kisulisuli; hata na Elisha naye akajazwa roho yake; akazidisha ishara maradufu, na yale yaliyotoka kinywani mwake yalikuwa ya ajabu. Siku zake zote huyu pia hakushawishwa kwa kumwogopa mwenye kutawala, wala hakutiishwa na mtu yeyote.

¹³ Hakukutokea neno lililokuwa gumu la kumshinda, hata na alipolala mautini mwili wake ulitoa unabii;

¹⁴kama alivyofanya miujiza katika maisha yake, kadhalika na katika mauti yake kazi zake zikawa za ajabu. Uasi na adhabu

¹⁵ Lakini kwa ajili ya hayo yote watu hawakutubu, wala hawakuziacha dhambi zao; hata walipochukuliwa mateka kutoka nchi yao, wakatawanyika juu ya uso wa dunia yote.

¹⁶Kisha walisalia katika Yuda watu wachache sana, ila mtawala akabaki katika mbari ya Daudi. Na baadhi yao wakatenda maadili, na baadhi yao wakazidi kutenda dhambi. Hezekia

¹⁷ Hezekia aliujengea mji wake maboma, akaleta maji ndani yake; akafanya kuchimba mwamba kwa chuma, akajenga visima vya kuwekea maji.

¹⁸ Siku zake akaja Senakeribu, akampeleka yule amiri wake; naye akauinua mkono wake juu ya Sayuni, akamkufuru Mungu katika kiburi chake.

¹⁹Basi, watu wakatikisika mioyo, wakaona maumivu kama wanawake waonavyo uchungu;

²⁰ wakamwita Mungu Aliye Juu, wakimnyoshea mikono yao; naye akawasikia hima kutoka mbinguni, akawaokoa kwa mkono wa Isaya.

²¹Aliipiga kambi ya Waashuri, Na malaika wake akawaangamiza. Isaya

²²Maana Hezekia alifanya mapenzi ya BWANA, Akawa hodari katika njia za Daudi. Ambazo Nabii Isaya aliziamuru, Aliyekuwa mkuu na amini katika njozi;

²³ Katika siku zake jua likarudi nyuma, Hata akayaongeza maisha ya mfalme.

²⁴Huyo aliona kwa roho ya nguvu mambo ya mwisho; akawafariji wale walioomboleza katika Sayuni.

²⁵Akaonesha mambo yatakayokuwako hata mwisho wa nyakati, na mambo yaliyofichwa kabla hayajatokea.