Read Swahilli Yoshua Mwana wa Sira 50 Bible Online

Yoshua Mwana wa Sira 50 - Swahilli bible

Yoshua Mwana wa Sira 50

¹Simoni Mwana wa Oniasi Mkuu wa nduguze, fahari ya watu wake, Alikuwa Simoni mwana wa Yohana, Kuhani Mkuu.

²Wakati wake nyumba ilitengenezwa, Na siku zake hekalu likaimarishwa; Ukuta ukajengwa na buruji za ulinzi, Kama zilivyo katika jumba la mfalme.

³Siku zake kiziwa kikachimbwa, Birika lenye maji tele kama bahari.

⁴Akawasumbukia watu awaokoe na kutekwa, Akajenga boma mjini mwake juu ya adui.

⁵Jinsi alivyotukuka akionekana hekaluni, Alipotokea kutoka chumba cha pazia!

⁶Kama nyota yenye nuru kati ya mawingu, Kama mbalamwezi katika sikukuu,

⁷Kama jua ling'arizapo hekalu la Mungu, Kama upinde wa mvua katika wingu.

⁸Kama mawaridi wakati wa matunda mapya. Kama nyinyoro penye mito ya maji, Kama machipuko ya Lebanoni wakati wa joto,

⁹Na kama moto wa uvumba chetezoni. Kama chombo cha dhahabu kilichofuliwa, Kimepambwa kila namna ya vito.

¹⁰Kama mzeituni ukichanua matunda yake, Na mzeituni mwitu wenye matawi mabichi.

¹¹Pale pale alipovaa mavazi ya utukufu, Na kujivika ukamilifu wa uzuri; Alipopanda kwenye madhabahu ya enzi, Alitukuza behewa la hekalu;

¹²Mwenyewe amesimama madhabahuni. Kumzunguka, kama shada la nduguze, Kama mierezi michanga ya Lebanoni. Kama miti ya mitende, wamzunguka.

¹³Wana wa Haruni wote katika fahari yao. Akipokea sehemu mkononi mwa nduguze, Wanashika mikononi kafara ya BWANA, Mbele ya kusanyiko lote la Israeli;

¹⁴Hata atakapomaliza huduma ya madhabahu, Na kupangisha kuni mbele zake Aliye Juu;

¹⁵Na kumimina miguuni pa madhabahu Harufu nzuri mbele zake Aliye Juu.

¹⁶Ndipo Wana wa Haruni walipopaza sauti, Na kupiga tarumbeta zilizofuliwa; Wakasikiza makelele ya nguvu, Kumbukumbu mbele zake Aliye Juu.

¹⁷Ndipo watu wote walipofanya haraka, Na kuanguka kifudifudi mpaka nchi; Ili kusujudu mbele zake Aliye Juu, Mbele zake Mtakatifu wa Israeli.

¹⁸Waimbaji nao wakatoa sauti zao, Na kuhimidi kwa nguvu juu ya mkutano.

¹⁹Ndipo watu walipomsihi BWANA Aliye Juu, Kuomba dua mbele zake Mwenye rehema; Hata ibada ya BWANA itakapokwisha; Na hivyo wakamaliza kuabudu.

²⁰ Ndipo aliposhuka akiinua mikono yake, Juu ya kusanyiko lote ya wana wa Israeli; Baraka ya BWANA i midomoni mwake, Akajitukuza kwa kutamka YEHOVA.

²¹Nao wakasujudu tena mara ya pili, Kuipokea baraka yake Aliye Juu. Baraka

²²Na sasa mhimidini Mungu wa Israeli, Afanyaye maajabu katika dunia; Humlea mwanadamu tangu tumboni, Humtendea sawasawa na mapenzi yake;

²³Atujalie hekima mioyoni mwetu, Na amani iwe juu yetu daima;

²⁴Rehema zake zithibitishwe kwetu. Mawaidha ya mwisho

²⁵Na wakati wake atuokoe sisi. Maneno ya mwisho

²⁷Nimeandika kitabuni humu mafundisho ya ufahamu na elimu, mimi, Yoshua mwana wa Sira mwana wa Eleazari wa Yerusalemu, niliyeeneza hekima kwa moyo.

²⁸Yu heri mwenye kuyatafakari haya, Naye ayawekaye moyoni atahekimishwa;

²⁹Akiyatenda atathibitika katika yote; Maana kumcha BWANA ni uzima wake.