Read Swahilli Yoshua Mwana wa Sira 7 Bible Online

Yoshua Mwana wa Sira 7 - Swahilli bible

Yoshua Mwana wa Sira 7

¹Mashauri mbalimbali Usitende uovu, na uovu usikupate;

²Ukae mbali na dhambi, ikae mbali nawe.

³Mwanangu, usipande mifuoni mwa udhalimu, usije ukavuna mara saba.

⁴Usitake ukubwa kwa BWANA, Wala kiti cha mbele kwa mfalme.

⁵Usijifanye una haki mbele za BWANA; wala usijifanye una hekima mbele ya mfalme.

⁶Wala usitake kuwa hakimu, usije ukashindwa usiweze kuondoa udhalimu; pia na usije ukamjali mtu mwenye cheo, au kuiharibu adili yako kwa kutwaa rushwa.

⁷Usiwe mkosefu kwa wenyeji wa mjini, Wala kutupa heshima yako mbele ya watu.

⁸Usikubali kutenda dhambi mara mbili, Hata dhambi moja haikosi adhabu.

⁹Usiseme, Atatazama wingi wa sadaka zangu, Nikimtolea Aliye Juu kafara ataikubali.

¹⁰Usiwe mlegevu wa kusali, Wala usikawie kutoa sadaka.

¹¹Usimdhihaki aonaye uchungu, Yuko mwenye kudhili na kukweza.

¹²Usitunge uongo juu ya ndugu yako, Wala juu ya rafiki usifanye hivi.

¹³Usipende kusema uongo wowote, Hakuna tumaini jema katika huo.

¹⁴Usifanye kubabaika katika mkutano wa wakuu, Wala usipayukepayuke wakati unaposali.

¹⁵Usiikirihi kazi ya mikono, Wala ukulima ulioagizwa na BWANA.

¹⁶Usihesabike pamoja na wakosaji, Kumbuka ghadhabu haikawii.

¹⁷Ujinyenyekeshe sana roho yako, Adhabu ya wakosaji ni moto na funza. Ushirikiano na Wengine

¹⁸Usimbadili rafiki yako hata kwa kitu tunu, Wala ndugu amini hata kwa dhahabu ya Ofiri.

¹⁹Usijinyime mke aliye mwema mwenye akili, kwa maana neema yake hupita dhahabu.

²⁰Mtumishi atendaye kazi yake vizuri usimtende mabaya, wala mtu wa mshahara akupaye maisha yake.

²¹ Umpende mtumishi mwenye akili kama nafsi yako, wala usimnyime uhuru wake. Watoto

²²Ikiwa una ng'ombe, uwaangalie, na wakiwa wanakufaa wakae kwako.

²³Ikiwa una watoto uwarudi, bali uwapatie wake zao wakati wa ujana wao.

²⁴Ikiwa una binti, uwalinde miili yao, bali usiwaangazie uso wako.

²⁵Umwoze binti yako, nawe utakuwa umemaliza jambo kubwa; tena umpe mtu mwenye ufahamu.

²⁶Iwapo una mke akupendezaye usimchukie; lakini usijitie nafsi yako katika mikono ya mke akuchukizaye. Wazazi

²⁷ Baba yako umtukuze kwa moyo wako wote, wala usisahau uchungu wa mama yako;

²⁸ukumbuke ya kuwa ulizaliwa nao, nawe utawezaje kuwalipa kwa hayo waliokutendea? Makuhani

²⁹Mche BWANA kwa roho yako yote; tena uwaheshimu makuhani wake.

³⁰Kwa nguvu zako zote umpende Yeye aliyekuumba, wala usiwaache wahudumu wake.

³¹Umtukuze BWANA, na kumheshimu kuhani, ukampe sehemu yake kama ulivyoamriwa; chakula cha sadaka ya dhambi, na toleo la bega, na kafara ya utakaso, na malimbuko ya vitu vilivyo vitakatifu. Fukara na Wanaojaribiwa

³²Aidha, umnyoshee maskini mkono wako, ili baraka upewayo ikamilike.

³³Kipawa kina neema machoni pa kila mtu aliye hai; yeye naye aliyefariki usimzuilie neema yako.

³⁴Usikose kuwapo pamoja nao waliao, tena omboleza pamoja nao wanaoomboleza.

³⁵Wala usisahau kwenda kumtazama mgonjwa, mradi ukifanya hivi utapata kupendwa na watu.

³⁶Na katika mambo yako yote uukumbuke mwisho wako, hivyo hutakosa kamwe hata hatima.