Read Swahilli 1 Nya 2 Bible Online

1 Nya 2 - Swahilli bible

1 Nya 2

¹Israeli alikuwa na wana wa kiume kumi na wawili: Reubeni, Simeoni, Lawi, Yuda, Isakari, Zebuluni,

²Dani, Yosefu, Benyamini, Naftali, Gadi na Asheri.

³Wana wa Yuda waliozaliwa na Bethshua, mkewe Mkanaani, walikuwa Eri, Onani na Shela. Eri, mzaliwa wa kwanza wa Yuda, alikuwa mwovu mbele ya Mwenyezi-Mungu, basi Mwenyezi-Mungu akamuua.

⁴Na Tamari, mkwewe, alimzalia wana wawili: Peresi na Zera. Jumla, wana wa Yuda walikuwa watano.

⁵Peresi alikuwa na wana wawili: Hesroni na Hamuli.

⁶Zera nduguye alikuwa na wana watano: Zimri, Etheni, Hemani, Kalkoli na Dara.

⁷Mwana wa Karmi, alikuwa Akari. Huyu aliwaletea Waisraeli taabu kwa sababu alijiwekea nyara zilizokuwa zimewekwa wakfu.

⁸Ethani alikuwa na mwana mmoja, jina lake Azaria.

⁹Wana wa Hesroni walikuwa Yerameeli, Ramu na Kelubai.

¹⁰Ramu alimzaa Aminadabu, Aminadabu akamzaa Nashoni, mkuu wa kabila la Yuda.

¹¹Nashoni alimzaa Salma, Salma akamzaa Boazi,

¹²Boazi akamzaa Obedi, Obedi akamzaa Yese.

¹³Yese aliwazaa Eliabu, mwanawe wa kwanza, wa pili Abinadabu, wa tatu Shimea,

¹⁴wa nne Nethaneli, wa tano Radai,

¹⁵wa sita Osemu na wa saba Daudi.

¹⁶Dada zao walikuwa Seruya na Abigaili. Wana wa Seruya walikuwa watatu: Abishai, Yoabu na Asaheli.

¹⁷Abigaili alimzaa Amasa ambaye baba yake alikuwa Yetheri, Mwishmaeli.

¹⁸Kalebu, mwana wa Hesroni, kutokana na wake zake wawili, Azuba na Yeriothi, aliwazaa Yesheri, Shaobabu na Ardoni.

¹⁹Azuba alipofariki, Kalebu alimwoa Efratha aliyemzalia Huri.

²⁰Huri alimzaa Uri, naye Uri akamzaa Besaleli.

²¹Hesroni alipokuwa na umri wa miaka sitini, alimwoa binti Makiri, dada yake Gileadi. Huyo alimzalia mwana jina lake Segubu.

²²Segubu alimzaa Yairi ambaye alitawala miji mikubwa ishirini na mitatu katika nchi ya Gileadi.

²³Lakini falme za Geshuri na Aramu ziliwashambulia na kuwanyanganya miji ya Haroth-yairi, Kenathi na vijiji vyake, jumla miji sitini. Hao wote walikuwa wazawa wa Makiri, baba yake Gileadi.

²⁴Baada ya Hesroni kufariki, Kalebu alimwoa Efratha,[4] mjane wa Hesroni, baba yake. Efratha alimzalia Kalebu mwana jina lake Ashuri, aliyekuwa mwanzilishi wa mji wa Tekoa.

²⁵Yerameeli, mzaliwa wa kwanza wa Hesroni, alikuwa na wana watano: Ramu, mzaliwa wake wa kwanza, Buna, Oreni, Osemu na Ahiya.

²⁶Yerameeli alikuwa na mke mwingine jina lake Atara. Huyu alimzalia Yerameeli mwana, jina lake Onamu.

²⁷Wana wa Ramu, mzaliwa wa kwanza wa Yerameeli, walikuwa Maasi, Yamini na Ekeri.

²⁸Wana wa Onamu walikuwa Shamai na Yada. Nao wana wa Shamai walikuwa Nadabu na Abishuri.

²⁹Abishuri alioa mke, jina lake Abihaili, naye akamzalia wana wawili: Abani na Molidi.

³⁰Wana wa Nadabu walikuwa Seledi na Apaimu; lakini Seledi alifariki bila watoto.

³¹Apaimu alikuwa na mwana mmoja aliyeitwa Ishi. Ishi alimzaa Sheshani, na Sheshani akamzaa Alai.

³²Yada, nduguye Shamai, alikuwa na wana wawili: Yetheri na Yonathani. Lakini Yetheri alifariki bila watoto.

³³Yonathani alikuwa na wana wawili: Pelethi na Zaza. Wote hao ni wazawa wa Yerameeli.

³⁴Sheshani hakuwa na watoto wa kiume; alikuwa na binti tu. Hata hivyo, alikuwa na mtumwa wa Kimisri, jina lake Yarha.

³⁵Hivyo, Sheshani akamwoza Yarha mtumwa wake, mmoja wa binti zake, naye akamzalia mwana jina lake Atai.

³⁶Atai alimzaa Nathani, Nathani akamzaa Zabadi.

³⁷Zabadi akamzaa Eflali, Eflali akamzaa Obedi,

³⁸Obedi akamzaa Yehu, Yehu akamzaa Azaria,

³⁹Azaria akamzaa Helesi, Helesi akamzaa Eleasa,

⁴⁰Eleasa akamzaa Sismai, Sismai akamzaa Shalumu,

⁴¹Shalumu akamzaa Yekamia, na Yekamia akamzaa Elishama.

⁴²Mzaliwa wa kwanza wa Kalebu, nduguye Yerameeli, aliitwa Mesha. Mesha alimzaa Zifu, Zifu akamzaa Maresha, Maresha akamzaa Hebroni.[5]

⁴³Hebroni alikuwa na wana wanne: Kora, Tapua, Rekemu na Shema.

⁴⁴Shema alikuwa baba yake Rahamu na babu yake Rekemu. Rekemu nduguye Shema alimzaa Shamai,

⁴⁵Shamai akamzaa Maoni, na Maoni akamzaa Beth-suri.

⁴⁶Kalebu alikuwa na suria, jina lake Efa. Huyu alimzalia wana wengine watatu: Harani, Mosa na Gazezi. Harani alimzaa Gazezi.

⁴⁷Yadai alikuwa na wana sita: Regemu, Yothamu, Geshani, Peleti, Efa na Shaafu.

⁴⁸Kalebu alikuwa na suria mwingine jina lake Maaka. Huyu alimzalia wana wawili: Sheberi na Tirhana.

⁴⁹Maaka alimzalia Kalebu wana; Shaafu mwanzilishi wa mji wa Madmana, na Sheva, mwanzilishi wa mji wa Makbena na Gibea. Kalebu alikuwa pia na binti, jina lake Aksa.

⁵⁰Kalebu alikuwa na wazawa wengine pia kwa mkewe Efratha. Huri, mzaliwa wake wa kwanza, alikuwa na wana watatu: Shobali, mwanzilishi wa mji wa Kiriath-yearimu,

⁵¹wa pili Salma, mwanzilishi wa mji wa Bethlehemu, na wa tatu Herefu, mwanzilishi wa mji wa Bethi-gaderi.

⁵²Shobali, mwanzilishi wa mji wa Kiriath-yearimu, alikuwa pia babu yao watu wa Haroe, na nusu ya wakazi wa mji wa Menuhothi,

⁵³pamoja na koo zifuatazo zilizoishi Kiriath-yearimu: Waithri, Waputhi, Washumathi na Wamishrai. (Wasorathi na Waeshtaoli walitokana na watu hao).

⁵⁴Salma, mwanzilishi wa mji wa Bethlehemu alikuwa babu ya Wanetofathi, Waatroth-beth-yoabu na nusu ya Wamenahathi yaani Wasori.

⁵⁵Jamaa zifuatazo za waandishi ziliishi katika mji wa Yabesi: Watirathi, Washimeathi na Wasukathi. Wao ndio Wakeni waliotoka katika uzao wa Hamathi, aliyekuwa babu yao waliokuwa wa ukoo wa Warekabu.