Read Swahilli 1 Nya 24 Bible Online

1 Nya 24 - Swahilli bible

1 Nya 24

¹Hayo ndiyo makundi ya wazawa wa Aroni. Aroni alikuwa na wana wanne: Nadabu, Abihu, Eleazari na Ithamari.

²Nadabu na Abihu walikufa kabla ya baba yao, wala hawakuwa na watoto; kwa hiyo ndugu zao Eleazari na Ithamari wakawa makuhani.

³Mfalme Daudi aliwapanga wazawa wa Aroni katika makundi kufuatana na huduma zao. Alisaidiwa kufanya hivyo na Sadoki, mzawa wa Eleazari, na Ahimeleki, mzawa wa Ithamari.

⁴Kwa vile ambavyo kulipatikana viongozi wanaume wengi zaidi miongoni mwa wazawa wa Ithamari, waliwagawanya wazawa wa Eleazari chini ya viongozi kumi na sita, na wazawa wa Ithamari chini ya viongozi wanane.

⁵Waligawanywa kwa kura kwani kulikuwa na wakuu wa mahali patakatifu na viongozi wa kidini miongoni mwa koo zote mbili, yaani ukoo wa Eleazari na ukoo wa Ithamari.

⁶Naye Shemaya mwana wa Nathaneli, mwandishi, aliyekuwa Mlawi, aliwaandika mbele ya mfalme Daudi, maofisa wake, kuhani Sadoki, Ahimeleki mwana wa Abiathari na viongozi wa jamaa za makuhani na za Walawi. Ukoo wa Eleazari ulipata kura mbili, na ukoo wa Ithamari kura moja.

⁷Kura ya 1 ilimwangukia Yoaribu; ya 2 Yedaya;

⁸ya 3 Harimu; ya 4 Seorimu;

⁹ya 5 Malkia; ya 6 Miyamini;

¹⁰ya 7 Hakosi; ya 8 Abiya;

¹¹ya 9 Yeshua; ya 10 Shekania;

¹²ya 11 Eliashibu; ya 12 Yakimu;

¹³ya 13 Hupa; ya 14 Yeshebeabu;

¹⁴ya 15 Bilga; ya 16 Imeri;

¹⁵ya 17 Heziri; ya 18 Hapisesi;

¹⁶ya 19 Pethahia; ya 20 Yehezkeli;

¹⁷ya 21 Yakini; ya 22 Gamuli;

¹⁸ya 23 Delaya; na ya 24 Maazia.

¹⁹Hawa waliandikishwa kulingana na kazi zao kuingia katika nyumba ya Mwenyezi-Mungu kutoa huduma, kadiri ya utaratibu waliowekewa na Aroni babu yao, kama alivyoamriwa na Mwenyezi-Mungu, Mungu wa Israeli.

²⁰Hawa ndio wazawa wengine wa Lawi: Mmoja wa wazawa wa Amramu alikuwa Shubaeli; wa Shubaeli alikuwa Yedeya.

²¹Mmoja wa wazawa wa Rehabia alikuwa Ishio kiongozi wa ukoo.

²²Mmoja wa wazawa wa Ishio alikuwa Shelomithi na wa wazawa wa Shelomithi alikuwa Yahathi.

²³Wana wa Hebroni walikuwa: Yeria wa kwanza, Amaria wa pili, Yahazieli wa tatu, Yakameamu wa nne.

²⁴Mmoja wa wana wa Uzieli alikuwa Mika. Mmoja wa wazawa wa Mika alikuwa Shamire.

²⁵Mmoja wa wazawa wa Ishia nduguye Mika alikuwa Zekaria.

²⁶Wana wa Merari: Mahli, Mushi na Yaazia;

²⁷wazawa wa Merari kwa mwanawe Yaazia: Shohamu, Zakuri na Ibri.

²⁸Wana wa Mahli: Eleazari ambaye hakupata mtoto,

²⁹Kishi ambaye alikuwa na mwana mmoja: Yerameeli.

³⁰Mushi alikuwa na wana watatu: Mahli, Ederi na Yeremothi. Wao ni wazawa wa Lawi kulingana na koo zao.

³¹Pia hao wote walipiga kura kufuatana na ukoo wa kila mkuu na mdogo wake, kama wazawa wa Aroni walivyofanya. Walipiga kura mbele ya mfalme Daudi, Sadoki, Ahimeleki na viongozi wa jamaa za makuhani na za Walawi.