Read Swahilli Zaburi 5 Bible Online

Zaburi 5 - Swahilli bible

Zaburi 5

¹(Kwa Mwimbishaji: Na filimbi. Zaburi ya Daudi) Usikilize maneno yangu, ee Mwenyezi-Mungu, usikie ninavyopiga kite.

²Usikilize kilio changu, Mfalme wangu na Mungu wangu, maana wewe ndiwe nikuombaye.

³Ee Mwenyezi-Mungu, alfajiri waisikia sauti yangu, asubuhi nakutolea tambiko[3] yangu, kisha nangojea unijibu.

⁴Wewe si Mungu apendaye ubaya; kwako uovu hauwezi kuwako.

⁵Wenye majivuno hawastahimili mbele yako; wewe wawachukia wote watendao maovu.

⁶Wawaangamiza wote wasemao uongo; wawachukia wauaji na wadanganyifu.

⁷Lakini, kwa wingi wa fadhili zako, mimi nitaingia nyumbani mwako; nitakuabudu kuelekea hekalu lako takatifu, nitakusujudia kwa uchaji.

⁸Uniongoze, ee Mwenyezi-Mungu, katika uadilifu wako, maana maadui zangu ni wengi; uiweke njia yako wazi mbele yangu.

⁹Vinywani mwao hamna ukweli; mioyoni mwao wamejaa maangamizi, wasemacho ni udanganyifu wa kifo, ndimi zao zimejaa hila.

¹⁰Uwaadhibu kwa hatia yao ee Mungu; waanguke kwa njama zao wenyewe; wafukuze nje kwa sababu ya dhambi zao nyingi, kwa sababu wamekuasi wewe.

¹¹Lakini wafurahi wote wanaokimbilia usalama kwako, waimbe kwa shangwe daima. Uwalinde wanaolipenda jina lako, wapate kushangilia kwa sababu yako.

¹²Maana wewe Mwenyezi-Mungu wawabariki waadilifu; wawakinga kwa fadhili zako kama kwa ngao.