Read Swahilli Sira 1 Bible Online

Sira 1 - Swahilli bible

Sira 1

¹UTANGULIZI Kitabu cha Hekima ya Sira (chajulikana pia kama “Eklesiastiko”) hapo awali kilikuwa kimeandikwa kwa Kiebrania yapata mwaka 180 K.K. Kitabu hiki kilitafsiriwa kwa Kigiriki na mjukuu wake. Mwandishi anatia sahihi kitabu chake kwa jina (50:27) na kusema juu ya kazi yake (39:1-11). Tunaambiwa hivyo na huyo mwana mjukuu katika utangulizi wa kitabu hiki. Makala ya Kigiriki ndiyo iliyotumiwa kutoa tafsiri hii ya Kiswahili. Kitabu chenyewe ni kimojawapo cha vitabu vijulikanavyo kama vitabu vya hekima, nacho chajumuika na umoja wa vitabu hivyo vya Agano la Kale katika kuonesha umoja wa maandishi ya sheria, maandishi ya manabii na ya vitabu vingine; hili ni jambo linalosisitizwa katika kitabu hiki, pamoja na mafunzo kuhusu uzoefu na “kumcha Bwana.” Ingawa Sira hakina muundo dhahiri, kinafanana na kitabu cha Methali kwa namna nyingi. Kinasisitiza mafundisho yaliyo kawaida ya hekima: Usemi unaofaa, utajiri na umaskini, uaminifu, nidhamu, uchaguzi wa marafiki, dhambi na kifo, tuzo na hekim(...)

²Nani awezaye kuuhesabu mchanga wa pwani au matone ya mvua? Nani awezaye kuzihesabu siku za milele?

³Je, kimo cha mbingu ni kiasi gani? Je, upana wa dunia ni kiasi gani? Je, kina cha bahari ni kiasi gani? Nani aujuaye umaarufu wa Hekima? Nani awezaye kuyajibu maswali haya?

⁴Hekima iliumbwa kabla ya vitu vyote, busara ilikuwako tangu zama zote. [

⁵Chanzo cha hekima ni neno la Mungu aliye juu; njia zake ni amri za milele.]

⁶Nani aliyeoneshwa kitovu cha Hekima? Nani anafahamu mafumbo ya Hekima? [

⁷Ujuzi wa hekima alijulishwa nani? Na uzoefu wake mwingi nani aliyepata kuuelewa?]

⁸Yuko mmoja tu mwenye hekima wa kutisha sana, ameketi katika kiti chake cha enzi - ndiye Bwana.

⁹Bwana mwenyewe ndiye aliyemuumba Hekima; yeye ndiye aliyemwona na kumpima, na kumjaza katika kazi zake zote.

¹⁰Hekima yumo katika kila kiumbe kadiri atoavyo Mungu; Mungu humgawia kila mtu ampendaye.

¹¹Kumcha Bwana huleta fahari na sifa, huleta furaha na taji ya shangwe.

¹²Kumcha Bwana kwaufurahisha moyo, kwaleta shangwe, furaha na maisha marefu.

¹³Amchaye Bwana atafanikiwa mwisho wake; siku ya kufa kwake atabarikiwa.

¹⁴Kumcha Bwana ni mwanzo wa Hekima, Hekima ameumbwa na waaminifu tangu tumboni mwa mama.

¹⁵Amejiwekea msingi wa kudumu kati ya watu, na vizazi vijavyo vitamtegemea Hekima.

¹⁶Kumcha Bwana ni ukamilifu wa hekima, Hekima huwatosheleza watu kwa matunda yake.

¹⁷Huzijaza nyumba zao bidhaa zote wanazohitaji na bohari zao mazao yake.

¹⁸Kumcha Bwana ni kuvikwa taji la hekima, Hekima huleta amani na afya nzuri.

¹⁹Bwana alimwona na kumpima, alinyesha duniani maarifa na utambuzi, na kuwapa fahari wale wanaomshikilia.

²⁰Kumcha Bwana ni kitovu cha Hekima, na matawi yake ni maisha marefu. [

²¹Kumheshimu Bwana huondoa dhambi; panapopatikana uchaji wa Bwana, huondosha hasira.]

²²Hasira isiyo halali haikubaliki, maana hasira husababisha maangamizi ya mtu.

²³Mvumilivu husubiri hadi wakati ufaao, na hatimaye furaha itambubujikia.

²⁴Huyo huzuia maneno yake hadi wakati ufaao, ndipo watu wengi wataisifu busara yake.

²⁵Bohari za Hekima zimejaa misemo ya busara, lakini uchaji ni chukizo kwa mwenye dhambi.

²⁶Ukitaka hekima zishike amri, naye Bwana atakupa hekima,

²⁷Maana kumcha Bwana ni hekima na nidhamu, naye hupendezwa na uaminifu na upole.

²⁸Usitupilie mbali kumcha Bwana, wala usimwendee kwa moyo mdanganyifu.

²⁹Usiwe mnafiki mbele ya watu; uuchunge mdomo wako.

³⁰Usijitukuze, la sivyo utaanguka na kujiletea aibu wewe mwenyewe. Bwana atazifunua siri zako na kukuangusha mbele ya jumuiya, kwa kuwa hukumwendea Bwana kwa uchaji, na moyo wako ulikuwa umejaa udanganyifu.