Read Swahilli Hesabu 26 Bible Online

Hesabu 26 - Swahilli bible

Hesabu 26

¹ Baada ya yale maradhi, Mwenyezi-Mungu akamwambia Mose na Eleazari mwana wa kuhani Aroni,

²“Hesabuni jumuiya yote ya Waisraeli, kila mtu kufuatana na jamaa yake. Wahesabuni watu wote wenye umri wa miaka ishirini na zaidi wanaofaa kwenda jeshini.”

³Mose na kuhani Eleazari wakazungumza na watu kwenye nchi tambarare za Moabu, ngambo ya mto Yordani, karibu na Yeriko, wakawaambia,

⁴“Hesabuni watu kuanzia na wenye umri wa miaka ishirini na zaidi, kama Mwenyezi-Mungu alivyomwamuru Mose.” Idadi ya Waisraeli waliotoka Misri ni hii:

⁵Kwanza ni kabila la Reubeni, mzaliwa wa kwanza wa Yakobo. Henoki, Palu,

⁶Hesroni na Karmi.

⁷Hizo ndizo koo za kabila la Reubeni. Idadi ya wanaume waliohesabiwa ni 43,730.

⁸Wazawa wa Palu walikuwa Eliabu,

⁹na wanawe Nemueli, Dathani na Abiramu. (Hawa wawili: Dathani na Abiramu, ndio waliokuwa wamechaguliwa miongoni mwa jumuiya, lakini wakampinga Mose na Aroni, na kujiunga na wafuasi wa Kora wakati walipomwasi Mwenyezi-Mungu.

¹⁰Wakati huo ardhi ilifunguka ikawameza, wakafa pamoja na Kora na wafuasi wake moto ulipoangamiza watu 250; wakawa onyo kwa watu.

¹¹Pamoja na hayo wana wa Kora hawakufa.)

¹²Kabila la Simeoni. Nemueli, Yamini, Yakini,

¹³Zera na Shauli.

¹⁴Hizo ndizo koo za kabila la Simeoni, jumla yao wanaume 22,000.

¹⁵Kabila la Gadi lilikuwa na jamaa za Sefoni, Hagi, Shuni,

¹⁶Ozni, Eri,

¹⁷Arodi na Areli.

¹⁸Hizo ndizo koo za kabila la Gadi, jumla wanaume 40,500.

¹⁹Kabila la Yuda lilikuwa na wanawe wa Yuda Eri na Onani. Hawa walifia nchini Kanaani.

²⁰Kabila la Yuda lilikuwa na jamaa za Shela, Peresi, na Zera.

²¹Kutoka kwa Peresi, familia ya Hesroni na Hamuli.

²²Hizo ndizo koo za Yuda, jumla wanaume 76,500.

²³Kabila la Isakari lilikuwa na jamaa za Tola, Puva,

²⁴Yashubu na wa Shimroni.

²⁵Hizo ndizo koo za Isakari, jumla wanaume 64,300.

²⁶Kabila la Zebuluni lilikuwa na jamaa za Seredi, wa Eloni na wa Yaleeli.

²⁷Hizo ndizo koo za Zebuluni, jumla wanaume 60,500.

²⁸Kabila la Yosefu baba yao Manase na Efraimu.

²⁹Kabila la Manase lilikuwa na jamaa ya: Makiri, Gileadi.

³⁰Yezeri, Heleki,

³¹Asrieli, Shekemu,

³²Shemida na Heferi.

³³Selofehadi, mwana wa Heferi hakupata watoto wa kiume bali wa kike tu, nao ni Mala, Noa, Hogla, Milka na Tirza.

³⁴Hizo ndizo koo za Manase, jumla wanaume 52,700.

³⁵Kabila la Efraimu lilikuwa na jamaa za Shuthela, Bekeri na Tahani.

³⁶Ukoo wa Erani ulikuwa na jamaa ya Shuthela.

³⁷Hizo ndizo koo za Efraimu, jumla wanaume 32,500. Zote hizo zilitokana na Yosefu.

³⁸Kabila la Benyamini lilikuwa na jamaa za Bela, Ashbeli, Ahiramu,

³⁹Shufamu na Hufamu.

⁴⁰Koo za Ardi na Naamani, zilitokana na Bela.

⁴¹Hizo ndizo koo za Benyamini, jumla wanaume 45,600.

⁴²Kabila la Dani lilikuwa na jamaa ya Shuhamu;

⁴³ukoo ulikuwa na wanaume 64,400.

⁴⁴Kabila la Asheri lilikuwa na jamaa za Imna, Ishvi na Beria.

⁴⁵Koo za Heberi na Malkieli zilitokana na Beria.

⁴⁶Asheri alikuwa na binti aliyeitwa Sera.

⁴⁷Hizo ndizo koo za kabila la Asheri, jumla wanaume 53,400.

⁴⁸Kabila la Naftali lilikuwa na jamaa za Yaseeli, Guni,

⁴⁹Yeseri na Shilemu.

⁵⁰Hizi ndizo koo za kabila la Naftali, jumla wanaume 45,400.

⁵¹Idadi ya wanaume Waisraeli waliohesabiwa ilikuwa 601,730.

⁵² Kisha Mwenyezi-Mungu alimwambia Mose,

⁵³“Makabila haya yatagawiwa nchi iwe urithi wao, kulingana na idadi ya majina yao.

⁵⁴Kabila kubwa litapewa sehemu yao kubwa na dogo litapewa sehemu yao ndogo. Kila kabila litapewa urithi wake kulingana na idadi ya watu wake.

⁵⁵Hata hivyo ugawaji wa nchi utafanywa kwa kura. Kila kabila litarithi kulingana na majina ya ukoo wao.

⁵⁶Urithi wa kila kabila utagawanywa kwa kura, kila kabila litapata kulingana na ukubwa au udogo wake.”

⁵⁷Hizi ndizo koo za Walawi zilizoorodheshwa na jamaa zao: Gershoni, Kohathi na Merari,

⁵⁸Pamoja na jamaa za Libni, Hebroni, Mahli, Mushi na Kora. Kohathi alikuwa baba yake Amramu.

⁵⁹Mkewe Amramu aliitwa Yokebedi binti yake Lawi, aliyezaliwa Misri. Huyu alimzalia Amramu watoto wawili wa kiume, Aroni na Mose, na binti mmoja, Miriamu.

⁶⁰ Aroni alikuwa na watoto wa kiume wanne: Nadabu, Abihu, Eleazari na Ithamari.

⁶¹ Nadabu na Abihu walikufa walipomtolea Mwenyezi-Mungu sadaka ya moto usiofaa.

⁶²Idadi ya Walawi wanaume wenye umri wa mwezi mmoja na zaidi ilikuwa 23,000. Hawa hawakuhesabiwa pamoja na Waisraeli wengine kwa sababu wao hawakupewa urithi wowote miongoni mwao.

⁶³Hao ndio wanaume Waisraeli walioorodheshwa na Mose na kuhani Eleazari katika nchi tambarare za Moabu, ngambo ya mto Yordani, karibu na Yeriko.

⁶⁴Miongoni mwao hakuwamo hata mtu mmoja aliyesalia kati ya wale waliohesabiwa na Mose na kuhani Aroni ambao walifanya sensa ya kwanza jangwani Sinai.

⁶⁵ Mwenyezi-Mungu alikuwa amesema kwamba wote watafia jangwani, na kweli hakuna hata mmoja wao aliyebaki hai, isipokuwa Kalebu mwana wa Yefune, na Yoshua mwana wa Nuni.