Read Swahilli Yoshua 15 Bible Online

Yoshua 15 - Swahilli bible

Yoshua 15

¹Eneo la nchi waliyopewa kwa kura watu wa kabila la Yuda kulingana na jamaa zake lilienea tangu kusini-mashariki hadi mpakani mwa Edomu. Sehemu ya kusini kabisa ilikuwa jangwa la Sini.

²Mpaka wao upande wa kusini ulianza pembe ya kusini ya Bahari ya Chumvi,

³ukaendelea kusini hadi mwinuko wa Akrabimu, ukapitia kando ya Sini, na kusini ya Kadesh-barnea, ukipitia Hesroni hadi Adari na kisha ukageuka kuelekea Karka.

⁴Kutoka hapo ulipita karibu na Asmoni na kufuata kijito cha Misri hadi kufikia kwenye bahari ya Mediteranea. Hapo ndipo ulipopita mpaka wa kusini wa Yuda.

⁵Mpaka wao wa upande wa mashariki ni Bahari ya Chumvi hadi pale mto Yordani unapoingilia baharini. Na mpaka wao upande wa kaskazini ulipita kutoka pembe ya Bahari ya Chumvi mahali ambapo mto Yordani unaingilia baharini.

⁶Mpaka huo ukapita Bethi-hogla na kaskazini ya Beth-araba hadi kwenye jiwe la Bohani mwana wa Reubeni.

⁷Kutoka hapo, uliendelea hadi Debiri kwenye bonde la Akori na kaskazini kuelekea Gilgali, ulio karibu na mwinuko wa Adumimu ambao uko kusini mwa kijito, kisha ukaelekea kwenye chemchemi za En-shemeshi na kuishia En-rogeli.

⁸Kisha, mpaka huo ulipitia kwenye Bonde la Hinomu, upande wa kusini mwa kilima cha Wayebusi, yaani Yerusalemu, kuelekea kilele cha mlima ulio magharibi ya bonde la Hinomu na kufika mwishoni mwa bonde la Refaimu.

⁹Kutoka hapo, ulielekea mlimani hadi chemchemi za Neftoa, mpaka kwenye miji ya mlima wa Efroni. Hapo mpaka uligeuka na kuelekea Baala, yaani Kiriath-yearimu,

¹⁰ambako ulipinda magharibi kuelekea Mlima Seiri; ukapita kaskazini ya mlima wa Yerimu, yaani Kesaloni, na kuteremka hadi Beth-shemeshi ambapo ulipita karibu na Timna.

¹¹Kisha ukaendelea upande wa kaskazini wa Ekroni, ukazunguka kuelekea Shikroni ambapo ulipita karibu na mlima Baala hadi Yabneeli ukaishia katika bahari ya Mediteranea.

¹²Mpaka wa magharibi ulikuwa bahari ya Mediteranea. Ndivyo ilivyokuwa mipaka ya eneo walilopewa watu wa kabila la Yuda kulingana na koo zao.

¹³ Kalebu mwana wa Yefune, alipewa sehemu ya nchi ya Yuda kama Mwenyezi-Mungu alivyomwamuru Yoshua. Alipewa Kiriath-arba au mji wa Arba ambaye alikuwa babu wa Anaki. Mji huo sasa unaitwa Hebroni.

¹⁴Kalebu alizifukuza kutoka mji huo koo tatu za Anaki yaani ukoo wa Sheshai, ukoo wa Ahimani na ukoo wa Talmai.

¹⁵Kutoka Hebroni alikwenda kuwashambulia wakazi wa Debiri, mji ambao hapo awali uliitwa Kiriath-seferi.

¹⁶Kalebu akatangaza kwamba atamwoza binti yake Aksa kwa mwanamume yeyote atakayeuteka mji wa Kiriath-seferi.

¹⁷Basi, Othnieli, mwana wa Kenazi, nduguye Kalebu, akauteka mji huo, naye Kalebu akamwoza bintiye.

¹⁸Katika siku yao ya harusi, Aksa alimwambia Othnieli amwombe Kalebu shamba. Aksa alikuwa amepanda punda, na alipokuwa anashuka chini, Kalebu akamwuliza, “Unataka nikupe nini?”

¹⁹Aksa akamjibu, “Nipe zawadi; nipe sehemu yenye maji kwa kuwa huko Negebu ulikonipa ni kukavu.” Basi, Kalebu akampa chemchemi za maji zilizokuwa kwenye nyanda za juu na za chini.

²⁰Hii ndiyo nchi waliyopewa watu wa kabila la Yuda kulingana na koo zake.

²¹Miji iliyokuwa upande wa kusini kabisa wa nchi ya Yuda kuelekea mpaka wa Edomu ilikuwa: Kabseeli, Ederi, Yaguri,

²²Kina, Dimona, Adada,

²³Kedeshi, Hazori, Ithnani,

²⁴Zifu, Telemu, Bealothi,

²⁵Hazor-hadata, Kerioth-hezroni (yaani Hazori),

²⁶Amamu, Shema, Molada,

²⁷Hasar-gada, Heshmoni, Beth-peleti,

²⁸Hasar-shuali, Beer-sheba, Biziothia,

²⁹Baala, Iyimu, Ezemu,

³⁰Eltoladi, Kesili, Horma,

³¹Siklagi, Madmana, Sansana,

³²Lebaothi, Shilhimu, Aini na Rimoni. Jumla ya miji waliyopewa ni ishirini na tisa pamoja na vijiji vyake.

³³Miji iliyokuwa kwenye tambarare ilikuwa: Eshtaoli, Sora, Ashna,

³⁴Zanoa, Enganimu, Tapua, Enamu,

³⁵Yarmuthi, Adulamu, Soko, Azeka,

³⁶Shaaraimu, Adithaimu, Gedera na Gederothaimu. Jumla ya miji waliyopewa ni kumi na minne pamoja na vijiji vyake.

³⁷Walipewa pia miji ya Senani, Hadasha, Migdal-gadi,

³⁸Dileani, Mizpa, Yoktheeli,

³⁹Lakishi, Boskathi, Egloni,

⁴⁰Kaboni, Lahmamu, Kithlishi,

⁴¹Gederothi, Beth-dagoni, Naama na Makeda. Jumla ya miji waliyopewa ni kumi na sita pamoja na vijiji vyake.

⁴²Tena walipewa miji ya Libna, Etheri, Ashani,

⁴³Yifta, Ashna, Nezibu,

⁴⁴Keila, Akzibu na Maresha. Jumla ya miji waliyopewa ni tisa pamoja na vijiji vyake.

⁴⁵Vilevile walipewa Ekroni pamoja na miji yake midogo na vijiji,

⁴⁶miji yote na vijiji vilivyokuwa karibu na Ashdodi kati ya Ekroni na bahari,

⁴⁷Ashdodi na Gaza pamoja na miji na vijiji vyake, mpaka kijito cha Misri hadi pwani ya bahari ya Mediteranea.

⁴⁸Miji iliyokuwa kwenye eneo la milimani ni Shamiri, Yatiri, Soko,

⁴⁹Dana, Kiriath-sana (yaani Debiri),

⁵⁰Anabu, Eshtemoa, Animu,

⁵¹Gosheni, Holoni na Gilo. Jumla ya miji waliyopewa ni kumi na mmoja pamoja na vijiji vyake.

⁵²Walipewa pia miji ya Arabu, Duma, Eshani,

⁵³Yanimu, Beth-tapua, Afeka,

⁵⁴Humta, Kiriath-arba (yaani Hebroni) na Siori. Jumla ya miji waliyopewa ni tisa pamoja na vijiji vyake.

⁵⁵Pia walipewa miji ya Maoni, Karmeli, Zifu, Yuta,

⁵⁶Yezreeli, Yokdeamu, Zanoa,

⁵⁷Kaini, Gibea na Timna. Jumla ya miji waliyopewa ni kumi pamoja na vijiji vyake.

⁵⁸Vilevile miji ya Halhuli, Beth-suri, Gedori,

⁵⁹Maarathi, Beth-anothi na Eltekoni. Jumla ya miji waliyopewa ni sita pamoja na vijiji vyake.

⁶⁰Kadhalika walipewa Kiriath-baali, uitwao pia Kiriath-yearimu, na Raba. Jumla ya miji waliyopewa ni miwili pamoja na vijiji vyake.

⁶¹Miji ya nyikani ilikuwa Beth-araba, Midini, Sekaka,

⁶²Nibshani, Mji wa Chumvi na Engedi. Jumla ya miji waliyopewa ni sita pamoja na vijiji vyake.

⁶³ Lakini watu wa Yuda hawakuweza kuwafukuza Wayebusi, ambao ndio waliokuwa wenyeji wa Yerusalemu, na mpaka leo Wayebusi bado wanaishi mjini humo pamoja na watu wa Yuda.