Read Библија, Константинов Битие (1 Moj.) 38 Bible Online

Битие (1 Moj.) 38 - Библија, Константинов bible

Битие (1 Moj.) 38

¹Во тоа време, Јуда замина од своите браќа и се врати при еден Одоламец, чие име беше Ира.

²Тука Јуда ја забележа ќерката на еден Хананец - кој се викаше Суја - и се ожени со неа.

³& пристапи, па таа зачна и роди син, кому му го даде името Ир.

⁴Таа зачна пак, роди син, и му го даде името Онан.

⁵Роди уште еден син и го нарече Шела. Се наоѓаше во Ахдив кога го роди него.

⁶Јуда го ожени својот првенец Ир со девојка, чие име беше Тамара.

⁷Но Јудиниот првороденец Ир Го навреди Бога, и Бог го погуби.

⁸Тогаш Јуда му рече на Онан: „Пристапи и, на вдовицата на брата си, исполни ја кон неа деверската должност и така запази му го потомството на брата си!”

⁹Но Онан, знаејќи дека семето нема да се смета за негово, го истуруваше на земја, секогаш кога ќе и пристапеше на братовата вдовица за да не му даде потомство на брата си.

¹⁰Тоа што го правеше Го навреди Господа, па го погуби и него.

¹¹Тогаш Јуда и рече на својата снаа Тамара: „Остани вдовица во домот на татка си, додека потпорасне мојот син Шела.” Имено, се боеше дека и тој би можел да умре, како неговите браќа. И така Тамара отиде да живее во татковиот дом.

¹²Долго време потоа, почина Сујината ќерка, Јудината жена. Кога помина времето на жалост, Јуда отиде, заедно со својот пријател Одоламецот Ир, во Тамна, за да ги стриже своите овци.

¹³Ја известија Тамара: „Ене ти го свекорот - и рекоа - на пат за Тамна, за да ги стриже овците.”

¹⁴Таа ја соблече вдовичката облека, се покри со превез и се завитка и седна на влезот во Енаим, што е на патот за Темна. Имено, виде дека Шела порасте, ама неа уште не ја омажија за него.

¹⁵Кога Јуда ја виде, помисли дека е блудница, зашто го имаше покриено лицето.

¹⁶Тој наврати при неа и рече: „Дај да ти пристапам!” Не знаеше дека му е снаа. А таа одговори: „Што ќе ми дадеш, за да влезеш при мене?”

¹⁷„Ќе ти испратам едно јаре од своето стадо”, одговори. „Треба да оставиш емство додека не го испратиш.”

¹⁸А тој ја праша: „Какво емство да ти оставам?” Таа одговори: „Својот печат на врвцата, и стапот што ти е во раката.” & ги даде и едното и другото, а потоа и пријде, и таа зачна од него.

¹⁹Потоа таа стана и си отиде; го симна од себе превезот и пак ја облече својата вдовичка облека.

²⁰Јуда го испрати јарето, преку својот пријател Одоламецот, да го откупи залогот од рацете на жената, но не можеше да ја најде.

²¹Ги праша луѓето во местото: „Каде е блудницата, која се наоѓаше покрај патот за Енаим?” Тие му одговорија: „Тука никогаш немаше блудница.”

²²Така тој се врати при Јуда и рече: „Не можев да ја најдам. Освен тоа, луѓето во местото ми рекоа дека таму никогаш немало блудница.”

²³Јуда рече: „Да не станеме за смеа, нека ги држи! Еве, и го испратив јарево, ама ти не ја најде.”

²⁴Од прилика по три месеци му донесоа вест на Јуда: „Твојата снаа Тамара блудствува, па во блудството и зачнала.” „Изведете ја - нареди Јуда - па нека биде изгорена!”

²⁵Додека ја изведуваа, таа му порача на свекорот: „Зачнав од човекот, чие е ова.” Уште додаде: „Види чии се овој печат на врвцата, и стапов!”

²⁶Јуда ги препозна и рече: „Таа е поправедна од мене, зашто не и го дадов својот син Шела.” Но повеќе немаше работа со неа.

²⁷Кога и дојде време да роди, се покажа дека носела близнаци.

²⁸Додека раѓаше, едниот од нив ја испружи раката надвор. Тогаш бабицата врза црвен конец на неговата рака, велејќи: „Овој излезе прв!”

²⁹Но тој тогаш ја повлече раката, па излезе неговиот брат. А таа рече: „Каков ли пробив направи!” Затоа му го даде името Фарес.

³⁰Потоа излезе брат му, кој имаше црвен конец околу раката. Него го нарекоа Зара.