Read Библија, Константинов 1 Летописи 2 Bible Online

1 Летописи 2 - Библија, Константинов bible

1 Летописи 2

¹Еве ги Израелевите синови: Рувим, Симеон, Левиј, Јуда, Исахар и Завулон,

²Дан, Јосиф и Венијамин, Нефталим, Гад и Асир.

³Јудини синови: Ир, Авнан и Сила. Тие три му ги роди Хананка, ќерката Сувина. Ама Ир, Јудиниот првенец, беше лош во Господовите очи, и Господ го погуби.

⁴Неговата невеста Тамара му ги роди Фарес и Зара. Вкупно беа пет Јудини синови.

⁵Фаресови синови беа: Есрон и Амул.

⁶Зариеви синови беа: Зимриј, Етан, Еман, Халкол и Дара, вкупно пет.

⁷Хармиеви синови беа Ахан, кој му нанесе зло на Израел прекршувајки ја клетвата.

⁸А син Етанов: Азариј.

⁹Есронови синови, кои му се родија, беа: Ерамеил, Арам и Халев.

¹⁰На Арама му се роди Аминадав, а на Аминадава му се роди Насон, кнез на Јудините синови.

¹¹На Насона му се роди Салмон, на Салмона му се роди Воз.

¹²На Воза му се роди Овид, на Овида му се роди Есеј.

¹³На Есеја му се родија: првенецот Елијав, вториот Авинадав, третиот Сама,

¹⁴четвртиот Натанаил, петтиот Радај,

¹⁵шестиот Осем, седмиот Давид.

¹⁶Сестри им беа: Серуја и Авигеја. Серуини синови беа: Ависај, Јоав и Асаил, тројца.

¹⁷Авигеја го роди Амаса, а Амасин татко беше Исмаилецот Јетер.

¹⁸Есроновиот син Халев имаше со жената своја Азува и со Ериота синови, а синовите му беа: Есер, Совав и Ардон.

¹⁹Кога умре Азува, Халев ја зеде за жена Ерата, и таа му го роди Ур.

²⁰На Ур му се роди Уриј, а на Уриј му се роди Веселеил.

²¹Потоа Есрон ја зеде ќерката на Махир, Галадовиот татко; ја зеде за жена кога му беа шеесет години, и таа му го роди Сегув.

²²На Сегув му се роди Јаир, кој имаше дваесет и три града во Галадската Земја.

²³Ама Гесурејците и Арамејците ги освоија од нив Јаировите Села, Кенат со селата, шеесет градови. Сè тоа го освоија синовите на Махир, таткото Галадов.

²⁴Кога умре Есрон во Халев-Ерата, Есроновата жена Авија му го роди Асхор, таткото Текојанев.

²⁵Синови на Ерамеил, Есроновиот првенец, беа: Арам, па Вуна, Орен, Осем и Ахиј.

²⁶Ерамеил имаше и втора жена, се викаше Атара, која беше Онамова мајка.

²⁷Синови на Арам, Ерамеиловиот првенец, беа: Мас, Јамин и Екер.

²⁸Онамови синови беа: Самај и Јадај; Самаеви синови: Надав и Ависур.

²⁹Ависуровата жена се викаше Авихаила, која му ги роди Авана и Молида.

³⁰Надавови синови беа: Селед и Апаим, но Селед умре без деца.

³¹Синови Апаимови беа: Есеј; Есееви синови: Сисан; Сисанов син: Алај.

³²Синови на Јадај, братот Самаев, беа: Етер и Јонатан; ама Етер почина без деца.

³³Јонатанови синови беа: Фалет и Заза. Тоа беа Ерамеилови синови.

³⁴Сисан немаше синови, туку ќерки; но Сисан имаше слуга Египетец по име Јарај.

³⁵Затоа Сисан му даде ќерка за жена на слугата Јарај, и таа му го роди Атаја.

³⁶На Атај му се роди Натан, на Натана му се роди Завад.

³⁷На Завада му се роди Ефлал, на Ефлала му се роди Овид;

³⁸на Овида му се роди Јуј, на Јуја му се роди Азариј,

³⁹На Азарија му се роди Хелис, на Хелиса му се роди Елаус;

⁴⁰на Елауса му се роди Сисамај, на Сисамаја му се роди Салум,

⁴¹на Салума му се роди Екамиј, на Екамија му се роди Елисам.

⁴²Синови на Халев, братот Ерамеилов, беа: неговиот првенец Миса, таткото Зифеев, синови на таткото на Мариса беа: Хеврон.

⁴³Хевронови синови: Кореј, Тафуј, Рекем и Сема.

⁴⁴На Сема му се роди син Рама, таткото Јоркоамов, а на Рекама му се роди Самај.

⁴⁵Самаев син беше Маон, а Маон му беше татко на Вет-Суров.

⁴⁶Гефа, Халевовата соложница, ги роди Харан, Моса и Газес; на Харана му се роди Газес.

⁴⁷Јадееви синови беа: Регем, Јотам, Гисам, Фелет, Гефа и Сагаф.

⁴⁸Маха, соложницата Халевова, ги роди Север и Тирхан.

⁴⁹Ги роди Сагаф, таткото Мадманиев, Сева, таткото Махвинов и таткото Гаваев; а Халевова ќерка беше Ахса.

⁵⁰Тоа беа Халевови синови. А синови на Ор, првенецот Ефратиев: Совал, татко Киријат-Јаримов,

⁵¹Салма, татко Витлеемов, и Ареф, татко Вет-Гадеров.

⁵²А синовите на Совал, таткото Киријат-Јаримов: Арој, и половина од Манахатците.

⁵³Киријат-Јаримовските семејства беа: Етерците, Футците, Суматците и Мисрајците; од нив потекнаа Сарајците и Естаолците.

⁵⁴Салмини синови се: Витлеем, Нетофатците, Атарот, Вет Јоав и половина од Манахатци, Сарајци.

⁵⁵Сеферијците (книжевнички семејства) кои живееја во Јавис беа: Тиратците, Симеатците, Сухатците. Тоа се Кенејците кои потекнаа од Емат, таткото на домот Рихавов.