Read Библија, Константинов 1 Летописи 4 Bible Online

1 Летописи 4 - Библија, Константинов bible

1 Летописи 4

¹Јудини синови беа: Фарес, Есрон, Хармиј, Ор и Совал.

²На Соваловиот син Реај му се роди Јат, а на Јата му се родија Ахумај и Лад. Тоа се Саратските родови.

³Ова се синовите од таткото Итам: Езраел, Есма и Едвас, а името на нивната сестра и беше Аселелфонија.

⁴Фануил му беше татко на Гедор, а Есер му беше татко на Хус. Тоа беа синови на Ор, првенецот на Ефрат, таткото на Витлеем.

⁵А таткото на Текуј, Асхор, имаше две жени, Ела и Нара.

⁶Нара му ги роди: Ахузам, Ефер, Теман и Ахастар. Тоа се Нарините синови.

⁷Елини синови беа: Серед, Јесоар и Етнан.

⁸На Кос му се родија Анув и Совив и семејствата на Арумовиот син Ахарил.

⁹Јавис беше пославен од своите браќа, и мајка му го нарече Јавис, велејки: „Го родив со болка.”

¹⁰Јавис Го повика Израелевиот Бог говорејќи: „Ако ме благословуваш навистина, прошири го моето подрачје, Твојата рака нека биде покрај мене и запази ме од злото, за да не се измачувам!” Бог го исполни тоа за што Му се молеше.

¹¹На Суевиот брат Хелув му се роди Мехир; тој беше Естонов татко.

¹²Од Естона потекнаа Вет-Раф, Фесеј и Техин, таткото на Ир Нас. Тоа се Рихавови луѓе.

¹³А Кенезови синови беа: Готонил и Серај. Готонилови синови: Атат и Меонот.

¹⁴На Меонота му се роди Офра; на Сераја му се роди Јоав, таткото на оние кои што живеат во Долината на Ракотворците, зашто беа дрводелци.

¹⁵Синови на Ефониевиот син Халев беа: Ир, Ила и Нам; Илин син беше Кенез.

¹⁶Јалелеилови синови беа Зиф, Зифа, Тириј и Асареил.

¹⁷Езрини синови: Етер, Меред, Ефер и Јалон; на Етера му се родија Маријама, Самај и Есва, таткото на Естемој.

¹⁸Неговата жена Јудејка ги роди: Јеред, татко Гедоров, Евер, татко Сохов, и Екутил, татко Заноев. Тоа беа синови на Витија, фараоновата ќерка која ја зеде за жена Меред.

¹⁹Синови на Одиевата жена, сестрата на Нам, таткото Келиев, беа: Симон, татко на Гармиецот Јомам, и Махатецот Естемој.

²⁰Симонови синови беа: Амнон, Рина, Вен-Анан и Тилон. Есеови синови: Зохет и Вен-Зохет.

²¹Синови на Јудиниот син Сила беа: Ир, таткото Лихин, Лада, таткото Марисин, и семејствата на платнарската куќа во Вет Асвеин;

²²Јоким и луѓето од Хасива Јоас и Сараф, кои владееја над Моав и се вратија во Витлеем. Но тоа се стари настани.

²³Тоа беа грнчари кои живееја во Нетаим и во Гедера кај царот и беа таму вработени кај него.

²⁴Симеонови синови беа: Немуил, Јамин, Јарив, Зера и Саул.

²⁵Негов син беше Салум, а негов син е Мивсам, негов син Мисма.

²⁶Мисмини синови беа: Амуил, син му, и неговиот син Захур, и неговиот син Симеј.

²⁷Симеј имаше шеснаесет синови и шест ќерки; неговите браќа немаа многу синови, и сите нивни семејства не беа толку многу колку Јудините синови.

²⁸Живееја во Вир-Савеја, во Молада и во Асар-Саул,

²⁹во Вала, во Асем, во Толад,

³⁰во Ветуил, во Орма, во Сиклаг,

³¹во Вет-Мархавот, во Асар-Сусим, во Вет-Виреја и во Сараим. Тоа беа нивни градови до Давидовото царување.

³²А нивни населби беа: Итам и Аин, Римон, Тохен и Асан, пет градови.

³³И сите нивни населби што беа околу тие населби до Вал. Тоа беа нивните станови и нивните племенски родословија.

³⁴Месовав, Јамлих и Амасиевиот син Јоса,

³⁵Јоил и Јуј, синот Јосивиев, син на Серај, синот Асилов,

³⁶Елиоинај, Јаков, Јесохај, Асај, Адил, Есимил и Венај,

³⁷Зиса, синот Сифиин, син Алонов, син Едаев, син Симриев, син Семаин.

³⁸Тие именуваните им беа старешини на своите родови, и нивните семејства се размножија многу.

³⁹Затоа отидоа до Гедор до источната страна на долината за да бараат пасиште за своите стада.

⁴⁰Најдоа изобилно и добро пасиште, и широка, безбедна и мирна земја. Бидејќи пред тоа таму живееја Хамовите потомци,

⁴¹Симеоновците, запишани по име, нападнаа во времето на јудејскиот цар Езекија та ги разбија нивните шатори и нивните засолништа. И ги истребија засекогаш, и се населија на нивно место, зашто таму беа пасиштата за нивните стада.

⁴²Тогаш некои од оние што им припаѓаа на Симеоновите синови, нив пет стотини, излегоа на планината Сир, на чело со Фелатиј, Неариј, Рефај и Озил, Есееви синови.

⁴³И го погубија Остатокот што беше избегал од Амаликците и се населија таму до денешниот ден.