Read Библија, Константинов Јов 11 Bible Online

Јов 11 - Библија, Константинов bible

Јов 11

¹Софар Нааматецот проговори тогаш и рече:

²Зар да не се одговори на многуте зборови? Зар многузборливиот уште и ќе се оправда?

³Зар твоето празно брборење ќе ги замолчи луѓето? Зар подигрувањето ќе остане неисмеано?

⁴Рече: „Моето учење е непорочно, чист сум во Твоите очи и без дамка.”

⁵Но ако Бог сакаше да проговори и да ја отвори устата за да ти одговори,

⁶и да ти ги открие тајните на мудроста што ниеден ум не може да ги сознае, ќе знаеше дека ти бара сметка за гревовите.

⁷Можеш ли да проникнеш во Божјите длабочини? Можеш ли да го доловиш совршенството на Сèдржителот?

⁸Повисоко е од небото: уште што да сториш? Подлабоко е од Шеолот: уште што да мудруваш?

⁹Подолго е од земјата - пошироко е од морето!

¹⁰Ако се повлече, ако те гребне, ако те предаде на суд, кој ќе Му брани?

¹¹Зашто Тој ја знае суетата на луѓето, ја гледа нечесноста и нема ли да внимава?

¹²Но горделивиот човек е лишен од разум, и човекот се раѓа како диво осле.

¹³Ако ти го исправиш своето срце и ги испружиш своите раце кон Него,

¹⁴ако го отфрлиш лошото од рацете и ако не му дадеш простор на злото во својот шатор,

¹⁵тогаш ќе можеш да издигнеш чисто чело, ќе бидеш цврст и не ќе се боиш.

¹⁶Не ќе си спомнуваш веќе за своите искушенија, како ни за водата што истече.

¹⁷Твојот живот ќе блеска појасно од пладнето, темнината ќе се претвори во зора.

¹⁸Ќе живееш спокојно во својата надеж и заштитен ќе почиваш во мир.

¹⁹Кога ќе легнеш, никој не ќе те заплаши, мнозина ќе ја бараат твојата наклоност.

²⁰А на злосторниците ќе им згаснат очите, не ќе има веќе засолниште за нив: единствената надеж ќе им биде: да издивнат.”