Read Библија, Константинов Јов 35 Bible Online

Јов 35 - Библија, Константинов bible

Јов 35

¹Елиу ја продолжи својата беседа и рече:

²„Зар ти мислиш да го браниш своето право, да ја докажуваш праведноста пред Бога,

³кога Му велиш: „Зошто ти е важно тоа, ако грешам, што Ти чинам со тоа?”

⁴Јас ќе ти одговорам тебе, на сè тоа, и на твоите пријатели едновремено.

⁵Погледни на небото и набљудувај! Гледај ги облаците: повисоки се од тебе!

⁶Ако грешиш, што направи против Него, што Му зададе со своите престапи?

⁷Ако си прав, зошто дојде при Него и што добива Тој од твојата рака?

⁸Твојата нечесност ги повредува сличните на тебе, и твојата правда му ползува на човекот.

⁹Но кога стенкаат под тешкиот јарем, кога викаат заради насилството на моќните,

¹⁰никој не вели: „Каде е Бог, мојот Творец, Кој ја исполнува ноќта со весела песна.

¹¹Нè прави поумни од земните ѕверови и помудри од небесните птици?”

¹²Тогаш викаат, но Тој не одговара заради гордоста на злосторниците.

¹³Но колку е суетно да се тврди дека Бог не ги слуша нивните викови, дека Сèдржителот не свртува поглед на нив!

¹⁴А камоли кога ти велиш допрва: „Тој не ме гледа, мојата парница стои пред Него, а јас уште чекам на неа.”

¹⁵Или: „Неговата лутина не казнува, тој воопшто не се грижи за престапите.”

¹⁶Тогаш Јов напразно ја отвора устата и натрупува неразумни беседи.