Read Библија, Константинов Псалми 101 Bible Online

Псалми 101 - Библија, Константинов bible

Псалми 101

¹Давидов псалм. Да запеам за добрината и правдата, да Ти засвирам, Тебе, Господи!

²Ќе размислувам за патот на совршенството: кога ќе дојдеш при мене? Ќе одам со невино срце во својот дом.

³Не ќе оставам, пред моите очи, ништо подмолно. Мразам човек кој прави зло: тој не ќе биде покрај мене.

⁴Развратно срце ќе биде далеку од мене; не сакам да знам за ништо нечесно.

⁵Кој го клевети скришно својот ближен, него ќе го погубам. Човек со горди очи и со надуено срце јас не трпам.

⁶Погледот го свртувам кон верните на земјата, за да живеат со мене. Кој оди по прав пат, тој ќе ми служи.

⁷Не ќе живее во мојот дом, кој постапува подмолно. Кој зборува лага, нема да остане пред моите очи.

⁸Секој ден ќе ги сотирам сите злосторници во земјата; ќе ги истребам од Господовиот Град, сите што прават беззаконие.