Read Библија, Константинов Псалми 108 Bible Online

Псалми 108 - Библија, Константинов bible

Псалми 108

¹Песна. Давидов псалм. Моето срце е непоколебливо, Боже, ќе пеам и ќе свирам со душата моја.

²Разбуди се, псалтиру и харфо! Ќе ја разбудам утринската зора.

³Ќе Те славам, Господи, меѓу народите, ќе Ти пеам меѓу племињата,

⁴зашто Твојата добрина е повисока од небото, Твојата вистина е до облаците.

⁵Возвиши се, Боже, над небесата, Твојата Слава нека е над целата земја!

⁶За да се избават Твоите возљубени, спаси со Својата десница, и услиши ме!

⁷Бог рече во Своето Светилиште: „Ќе го разделам Сихем, воскликнувајќи, ќе ја измерам долината Сокхот.

⁸Мој е Галад, Мој и Манасиј, Ефрем Ми е кацига, Јудеја - Мое жезло!

⁹Моав Ми е мијалник, Мојата обувка ќе ја фрлам врз Едом, ќе ја славам победата над Филистејците!”

¹⁰Кој ќе ме доведе до утврдениот град? Кој ќе ме доведе до Едом?

¹¹Зар не сакаш Ти, о Боже, што нè отфрли? Зар не сакаш повеќе, Боже, со нашите чети?

¹²Помогни ни против непријателите, зашто е ништожна човечката помош!

¹³Храбро ќе се бориме, со Божја помош, Бог ќе ги згази нашите непријатели.