Read Библија, Константинов Псалми 11 Bible Online

Псалми 11 - Библија, Константинов bible

Псалми 11

¹На пејачкиот началник. Давидов псалм. Се надевам на Господа! Зошто тогаш и велите на мојата душа: „Одлетај во гората, како птица!”

²Бидејќи, ете, нечесните го оптегнаа лакот, ги запнаа стрелите за тетивите, за да ги застрелаат, во темнина, оние, што се со право срце.

³Кога се расипани основите, што ќе прави праведникот?

⁴Господ е во Својот свет Храм; Господовиот престол е на небесата. Неговите очи гледаат, Неговите трепки ги испитуваат човечките синови.

⁵Господ ги испитува: праведниот и неправедниот, од дното на душата го мрази силникот.

⁶Ќе излее жар и сулфур врз грешниците, огнен ветер ќе им биде дел од нивната чаша.

⁷Зашто Праведниот Бог ја љуби правдата; праведникот ќе го гледа Неговото лице.