Read Библија, Константинов Псалми 111 Bible Online

Псалми 111 - Библија, Константинов bible

Псалми 111

¹Алилуја! Ќе Го славам Господа со сето свое срце во советот на праведниците, во нивната заедница.

²Големи се Господовите дела, нека размислуваат за нив сите, што ги љубат.

³Сјајно и величествено е Неговото дело, и Неговата правда останува довека.

⁴Со Своите чуда, направи спомен, Господ е благ и милостив.

⁵Им даде храна на Своите почитувачи, довека Си спомнува за Својот Завет.

⁶Своите силни дела ги објави на Својот народ, им ја даде во наследство земјата на многубошците.

⁷Делата на Неговите раце се: вистината и судот, сите Негови заповеди се постојани,

⁸утврдени се за сите времиња, довека, создадени врз вистината и правдата.

⁹Тој му испрати спасение на Својот народ, Го постави Својот Завет засекогаш: Свето е и страшно Неговото Име!

¹⁰Почеток на мудроста е стравот од Господа! Мудро прават кои Го почитуваат. Неговата Слава трае довека!