Read Библија, Константинов Псалми 112 Bible Online

Псалми 112 - Библија, Константинов bible

Псалми 112

¹Алилуја! Блажен е оној човек, кој се бои од Господа и кој ужива во Неговите заповеди;

²неговото потомство ќе биде силно на земјата, благослов ќе почива врз праведното поколение.

³Благосостојба и богатство ќе биде во неговиот дом, неговата правда ќе трае довека.

⁴На чесните им изгрева светлина во темнина: Тој е благ, милостив и праведен.

⁵Добро му е на човекот кој е милостив и дава на заем, кој ги свршува чесно своите работи.

⁶Никогаш нема да се поколеба, праведникот ќе биде во вечен спомен.

⁷Не ќе се плаши од лоши вести, мирно е неговото срце, надевајќи се на Господа.

⁸Неговото срце е храбро, од ништо не се бои, тој го гледа паѓањето на своите непријатели.

⁹Тој дели, изобилно им дава на бедните: неговата правда ќе трае довека, неговиот рог ќе се воздигне славно.

¹⁰Грешникот ќе го гледа тоа налутено, ќе чкрта со забите и ќе венее, ќе пропадне желбата на нечесните.