Read Библија, Константинов Псалми 116 Bible Online

Псалми 116 - Библија, Константинов bible

Псалми 116

¹Го љубам Господа, зашто го слуша гласот на мојата молитва.

²Го наведна Своето уво кон мене, затоа ќе го повикувам во моите денови.

³Смртни болки ме опфатија, ме стегнаа примките на Подземјето, ме снајдоа тага и беда.

⁴Тогаш го повикав Господовото Име: „О Господи, спаси го мојот живот!”

⁵Господ е милостив и праведен, нашиот Бог е полн со милост.

⁶Господ ги чува простодушните; бев во неволја, Тој ме избави.

⁷Врати се, моја душо, во своето спокојство, зашто Господ е твој добротвор.

⁸Тој ми го избави животот од смртта, моите очи од солзи, нозете од паѓање.

⁹Ќе одам пред Господовото лице во земјата на живите.

¹⁰Јас верувам и кога велам: „Многу сум несреќен.”

¹¹Реков, во својата збунетост: „Секој човек е лажец!”

¹²Што да Му вратам на Господа, за сè што стори за мене?

¹³Ќе ја земам чашата на спасението и ќе Го повикам Господовото Име.

¹⁴Ќе ги исполнам на Господа сите мои завети, пред сиот Негов народ.

¹⁵Скапоцена е во очите на Господа смртта на Неговите свети.

¹⁶Господи, Твој слуга сум, Твој слуга, син на Твојата слугинка: Ти ги разврза моите окови.

¹⁷Ќе Ти принесам Тебе благодарни жртви, ќе Го повикам Господовото Име.

¹⁸Ќе ги исполнам на Господа сите свои завети, пред сиот Негов народ.

¹⁹Во дворовите на Господовиот Дом, среде тебе, Ерусалиме. Алилуја!