Read Библија, Константинов Псалми 138 Bible Online

Псалми 138 - Библија, Константинов bible

Псалми 138

¹Давидов псалм. Те славам Господи, со сето срце свое;

²се поклонувам пред Твојот свет Храм. Го славам Твоето име за Твојата милост и вистина, зашто го возвеличи Твоето слово, повисоко од Своето име.

³Кога Те повикав, Ти ме послуша, ја ободри мојата душа.

⁴Нека Ти благодарат Господи, сите земски цареви, кога ќе ги чујат зборовите на Твојата уста.

⁵Нека ги воспеат Господовите патишта: „Вистина, величествена е Господовата слава!”

⁶Вистина, Господ е возвишен, но гледа на смирените, а гордоста ја познава оддалеку.

⁷Кога ќе чекорам низ неволји, чувај ми го животот, испружи ја раката против гневот на моите непријатели; нека ме спаси Твојата десница!

⁸Господ ќе го доврши своето дело во мене! Господи, вечна е Твојата љубов: не оставај го делото на Твоите раце!