Read Библија, Константинов Псалми 141 Bible Online

Псалми 141 - Библија, Константинов bible

Псалми 141

¹Давидов псалм. Господи, Те повикувам, побрзај кон мене! Послушај го мојот глас, со кого викам кон Тебе!

²Нека се издигне мојата молитва како темјан пред Твоето лице, издигањето на моите раце нека биде као вечерна жртва!

³Господи, постави стража на мојата уста, и стражари на вратата на моите усни!

⁴Не оставај: моето срце да се приклони кон било каква злоба па да извршам нечесни дела; Да не се дружам со луѓе кои прават беззаконие, ниту да јадам од нивните вкусни јадења!

⁵Нека ме удри само праведниот - љубов е што ме укорува, тоа е масло на мојата глава; На нивната злоба јас ќе се спротивам секогаш со мојата молитва.

⁶Кога нивните судии ќе бидат фрлени низ карпите, ќе разберат колку слатки беа моите зборови.

⁷Како кога орачот ја оре и ја цепи земјата, така ќе им бидат расфрлени коските на работ на Подземјето.

⁸Господи, кон Тебе се свртени моите очи, на Тебе се надевам, не оставај да ми пропадне душата!

⁹Чувај ме од стапицата што ми ја поставија, од примките на злосторниците!

¹⁰Нека паднат нечесните во сопствените клопки, а јас да им избегам!