Read Библија, Константинов Псалми 147 Bible Online

Псалми 147 - Библија, Константинов bible

Псалми 147

¹Алилуја! Фалете Го Господа, зашто е добар, пејте Му на нашиот Бог, зашто е благ; Тој е достоен за секаква пофалба.

²Господ го гради Ерусалим, ги собира распрснатите Израелци.

³Тој ги исцелува оние што се со скршено срце и ги преврзува нивните рани.

⁴Тој го одредува бројот на ѕвездите, секоја ја наречува со нејзиното име.

⁵Нашиот Бог е велик и Сèсилен, нема мерка за Неговата мудрост.

⁶Господ ги поткрепува понизните, злосторниците ги понизува до земјата.

⁷Пејте Му на Господа благодарна песна, свирете Му на псалтир на нашиот Бог!

⁸Ги покрива небесата со облаци и и подготвува дожд на земјата; прави да расте трева по горите.

⁹Тој му дава храна на добитокот, и на младите гаврани кога гракаат.

¹⁰Тој не се грижи за коњската сила, ниту Му се мили човековите нозе.

¹¹На Господа Му се мили оние, кои се бојат од Него, кои се надеваат на Неговата милост.

¹²Слави Го Господа Ерусалиме, фали Го Твојот Бог, Сионе!

¹³Тој ги зацврсти лостовите на твоите врати, ги благословува твоите синови сред тебе.

¹⁴Тој им даде мир на твоите граници, те храни со најдобра пченица.

¹⁵Својата заповед ја праќа на земјата, Неговото слово трча многу брзо.

¹⁶Го расфрла снегот како волна, распрснува слана како пепел.

¹⁷Тој истура град како залаци, кој може да устои пред Неговите студови.

¹⁸Го испраќа Својот збор, и ги растопува, дувнува со ветер, и водите истечуваат.

¹⁹Своето Слово му го објави на Јакова, своите повелби и закони на Израел.

²⁰Не постапи така со ниеден друг народ, своите наредби на ниеден не му ги објави. Алилуја!