Read Библија, Константинов Псалми 36 Bible Online

Псалми 36 - Библија, Константинов bible

Псалми 36

¹За пејачки началник. Од Господовиот слуга Давид. Грешна замисла е во срцето на злосторникот, нема страв од Бога пред неговите очи.

²Самиот си ласка во своите очи, додека не му се открие неговото беззаконие и го намрази.

³Зборовите на неговата уста се измама и злодело, тој не се грижи повеќе за разумноста и доброто.

⁴Смислува беззаконие на својата постела, останува на лош пат, не го мрази злото.

⁵Господи, Твојата добрина е до небото, Твојата верност до облаците.

⁶Твојата правда е како Божји врвови, Твоите судови како длабоко море; луѓе и животни избавуваш Ти, О Господи.

⁷Колку е скапоцена Твојата милост, О Боже! Луѓето се засолнуваат под сенката на Твоите крилја.

⁸Се наситуваат со мрсно во Твојот дом, Ти ги напојуваш од реката на Твоите сладости.

⁹Во Тебе е изворот на животот, со Твојата светлина ние ја гледаме светлината.

¹⁰Закрили ги со Својата милост сите, кои Те почитуваат, и со Својата праведност сите, кои имаат чисто срце.

¹¹Нека не ме згази ногата на гордиот и нека не ме гони раката на грешниот.

¹²Таму паднаа, кои прават беззаконие, соборени се, и не ќе можат повеќе да станат.