Read Библија, Константинов Псалми 4 Bible Online

Псалми 4 - Библија, Константинов bible

Псалми 4

¹Кога викам послушај ме, Боже на мојата правда, Ти што ме избави од тесно: смилувај ми се и послушај ја мојата молитва!

²Човечки синови, до кога ќе ја обрнувате Мојата Слава во срам? До кога ќе ја љубите суетата и ќе ги барате лагите?

³Но знајте: Господ го одделил за себе Својот пријател; Господ слуша кога викам кон Него.

⁴Треперете и не грешете; размислувајте во срцата, на вашите легла, и молкнете.

⁵Принесете жртви на правда и надевајте се на Господа!

⁶Мнозина зборуваат: „Кој ќе ни покаже што е добро?” Господи, осветли нè со светлината на Твоето лице!

⁷Ми даде радост во моето срце поголема од нивната, кога им се раѓа изобилно жито и вино.

⁸Спокојно ќе легнам, и ќе заспијам зашто само Ти, Господи, ми даваш да живеам во безбедност.