Read Библија, Константинов Псалми 52 Bible Online

Псалми 52 - Библија, Константинов bible

Псалми 52

¹За началникот на пејачите. Давидова поука, откако Идумеецот Доик дојде и откако му кажа на Саула, дека Давид влегол во домот на Ахимелех. Зошто се фалиш со злобата, силнику? Милоста Божја е довека!

²Непрекратно измислуваш нечесност твојот јазик е како наточен брич, лукав!

³Повеќе го сакаш злото отколку доброто, и лагата повеќе од вистината!

⁴Ги сакаш гибелните зборови, лажлив јазику!

⁵Затоа Бог ќе те сотре и тебе, ќе те отстрани засекогаш, ќе те истрга од твојот шатор, ќе те откорне од земјата на живите.

⁶Праведните ќе гледаат со страв и ќе му се потсмевнуваат:

⁷„Ете го човекот, кој не го зеде, Бога за своја заштита, туку се надеваше на големо богатство и се засили во своите злочини.”

⁸А јас, како зелена маслина, во Божјиот Дом, се надевам на Божјата милост довека.

⁹Ќе Те славам вечно бидејќи го направи тоа, и ќе го очекувам Твоето име, зашто е благо, пред Твоите свети.