Read Библија, Константинов Псалми 8 Bible Online

Псалми 8 - Библија, Константинов bible

Псалми 8

¹На пејачкиот началник, со гетска свирка. Давидов псалм. Господи, Боже наш! Колку е величествено Твоето Име по целата земја; Ти ја подигна Твојата Слава над небесата.

²Од устата на малите деца и на доилчињата, Си зацврсти сила заради Твоите непријатели, за да ги натераш да молкнат: врагот и одмаздникот.

³Кога ги гледам Твоите небеса, делото на Твоите прсти; месечината и ѕвездите што си ги поставил:

⁴Што е човекот за да си спомнуваш за него? Или човечкиот син за да го посетуваш?

⁵А Ти го направи само малку подолен од ангелите и го овенча со слава и чест.

⁶Го постави за господар над делата на Своите раце; сè му потчини под неговите нозе:

⁷сите овци и говеда, и полските ѕверови кон тоа;

⁸небесните птици и морските риби и сè што поминува по морските патишта.

⁹Господи, Боже наш! Колку е величествено Твоето Име по целата земја.