Read Библија, Константинов Псалми 94 Bible Online

Псалми 94 - Библија, Константинов bible

Псалми 94

¹Боже, одмазднику, Господи, Боже одмазднику, покажи се:

²стани Ти, Судија на земјата, плати им на гордите, според заслугата!

³До кога грешниците, о Господи, до кога грешниците ќе ликуваат?

⁴Тие зборуваат дрски зборови, беззакониците се фалат.

⁵Го угнетуваат Твојот народ, Господи, и го притискаат Твоето наследство;

⁶убиваат вдовица и туѓинец, им го одземаат животот на сирачињата.

⁷И зборуваат: „Господ не гледа! Не забележува Јакововиот Бог!”

⁸Разберете, безумници во народот: глупци, кога ќе се вразумите?

⁹Не слуша ли Оној, што го засадил увото? Не гледа ли Оној, Кој го создаде окото?

¹⁰Не казнува ли Оној, Кој ги воспитува народите? Оној, Кој ги учи луѓето на мудрост?

¹¹Господ ги знае човечките мисли, тие се празни.

¹²Блажен е човекот, кого Ти го поучуваш, Господи, и го учиш на Својот Закон:

¹³да му дадеш мир во несреќни денови, додека се копа гроб за злочинецот.

¹⁴Зашто Господ нема да го отфрли Својот народ и не ќе го напушти Своето наследство;

¹⁵зашто правдата ќе и биде досудена на справедливоста, и по неа ќе одат сите со чисти срца.

¹⁶Кој ќе стане, за мене, против злосторникот? Кој ќе се заземе за мене, против злочинците?

¹⁷Ако Господ не ми помагаше, брзо ќе слезев во место на тишина.

¹⁸Штом помислам: „Ногата ми се подлизнува,” о Господи, Твојата добрина ме потпира.

¹⁹Кога ќе се соберат грижи во моето срце, Твоите утехи ми ја веселат душата.

²⁰Зар е безбожното судилиште во Сојуз со Тебе, кога создава неправда со помош на законот?

²¹Само нека ја притискаат душата на праведниот, нека осудуваат невина крв.

²²Господ ми е тврдина, Бог - засолниште на моето прибежиште.

²³Ќе им плати за нивното беззаконие, ќе ги истреби со нивната злоба, ќе ги истреби Господ, нашиот Бог.