Read Библија, Константинов Изреки 7 Bible Online

Изреки 7 - Библија, Константинов bible

Изреки 7

¹Сине мој, чувај ги моите зборови и запази ги моите заповеди при себеси.

²Пази ги моите заповеди, и ќе бидеш жив, и мојата поука како зеницата на своето око.

³Заврзи ги на своите прсти, запиши ги врз плочата на своето срце;

⁴речи и на мудроста: „Моја сестра си”, и разумот наречи го роднина,

⁵за да те чуваат од жена прељубница, од туѓинка која зборува ласкаво.

⁶Кога бев еднаш при прозорецот на својата куќа и гледав надвор, низ решетката,

⁷видов меѓу лесноумните, забележав меѓу момчињата неразумен младец:

⁸Поминуваше по улицата покрај нејзиниот агол, и чекореше по патот кон нејзината куќа,

⁹во примрак, меѓу денот и вечерта, кога се спушта ноќната темнина.

¹⁰И ете, го сретна жена, облечена како блудница и со измама во срцето.

¹¹Беше тврдоглава и разуздана, нејзините нозе не застануваа дома;

¹²беше час на улиците, час на раскрсниците, и дебнеше при секој агол.

¹³И го фати и го пољуби, и му рече, со безобразно лице:

¹⁴„Бев должна да принесам помирителна жртва и денес го исполнив својот завет;

¹⁵затоа ти излегов во пресрет, да те барам, и те најдов.

¹⁶Своето легло го послав со килими, со везени египетски покривачи;

¹⁷својата постела ја намирисав со смирна, алој и канела.

¹⁸Ајде да се ситиме со нежности до утрото и да се насладуваме во љубовта.

¹⁹Зашто мојот маж не е дома, отиде на далечен пат;

²⁰зеде со себе ќесе со сребро, а ќе се врати дома одвај при полната месечина.”

²¹Така го заведе со своето наговарање, го одвлече со своите мазни усни.

²²И тој тргна лудо по неа, како што волот оди на кланица и како што еленот, заплеткан во мрежата, чека

²³додека стрелата не му го прониже црниот дроб, и како птицата што влетува во клопката, и не знаејќи дека тоа ќе ја чини животот.

²⁴Затоа, сине мој, послушај ме, и чуј ги зборовите на мојата уста:

²⁵Нека твоето срце не застранува по нејзините патишта, и нека не скита по нејзините патеки,

²⁶зашто мнозина ги рани смртно и ги падна, и мнозина се оние што ги уби.

²⁷Патиштата низ нејзината куќа водат во пеколот, долу во собите на смртта.