Read Библија, Константинов Исаија 12 Bible Online

Исаија 12 - Библија, Константинов bible

Исаија 12

¹Ќе речеш во оној ден: „Ќе Те славам Господи, Ти се разгневи на мене, ама Твојот гнев се одврати и Ти ме утеши.

²Ете, Бог е мое спасение, се надевам, не се бојам веќе, зашто Господ е моја сила и песна, Тој е мој избавител.”

³И со радост ќе црпите вода од изворот на спасението.

⁴Ќе речете, во оној ден: „Фалете Го Господа, повикувајте Го Неговото име! Објавете им ги на народите Неговите дела, разгласувајте ја возвишеноста на Неговото име!

⁵Пејте Му на Господа, зашто создаде убавини, нека се знае тоа по целата земја!

⁶Воскликнувајте и радувајте се, жители на Сион, зашто голем е меѓу тебе Израелевиот Светец!