Read Библија, Константинов Исаија 35 Bible Online

Исаија 35 - Библија, Константинов bible

Исаија 35

¹Нека се зарадува пустината, исушената земја, нека воскликнува степата, нека расцвета лилјанот.

²Нека цвета бујно со цвет, да, нека воскликнува од веселба и нека се радува. & е дадена славата на Ливан, и убавината на Кармил и Сарон; тие ќе ја видат Господовата Слава, величието на нашиот Бог.

³Закрепете ги изнемоштените раце, зацврстете ги ослабените колена!

⁴Речете им на исплашените срца: „Бидете силни, не бојте се! Еве Го вашиот Бог, одмаздата доаѓа, Божјата плата, Тој Самиот брза да нè спаси!”

⁵Очите на слепците ќе прогледаат, ушите на глувите ќе се отворат,

⁶тогаш хромиот ќе скока како елен, јазикот на немиот ќе воскликнува. Зашто во пустината ќе бликнат води, а во степата потоци,

⁷изгорената земја ќе стане езеро, а жедната почва - извори. Во дувлата во кои лежеа чакалите, ќе никне рогузина и трска.

⁸Таму ќе има друм и пат, а ќе се нарече свет пат; нечистиот не ќе помине по него, но ќе биде за оној, кој оди по тој пат, дури и глупавите не ќе скитаат по него.

⁹Таму не ќе има лав, ниту ѕвер ќе поминува таму, туку ќе одат само искупените,

¹⁰ќе се враќаат искупениците Господови. Ќе дојдат во Сион воскликнувајќи од радост, со вечна веселба на челата; радоста и веселбата ќе ги придружуваат, ќе ги победат тагата и воздишките.