Read Библија, Константинов Езекиел 1 Bible Online

Езекиел 1 - Библија, Константинов bible

Езекиел 1

¹Во триесеттата година, во чет-вртиот месец, во петтиот ден, кога бев меѓу заробениците при реката Хевар, небесата се отворија, и јас видов Божјо видение.

²Во петтиот ден на истиот месец - во петтата година откако го одведоа во ропство царот Јоаким -

³Господовото слово му дојде на Езекиел, синот Вузиев, свештеник во Халдејската Земја, при реката Хевар. Господовата рака се спушти врз мене.

⁴Погледав, кога ете од север удри силен виор, голем облак, пламнат оган обвиткан со сјај; среде него, среде огнот, нешто слично на сјајна ковина.

⁵Среде тоа нешто како четири суштества по облик слични на човек;

⁶секое од нив со четири лица, во секое четири крила.

⁷Нозете им беа рамни, а стапалата како кај теле; светкаа како блескава бронза.

⁸Под крилата имаа на сите четири страни човечки раце. И секое од четирите имаше свое лице и свои крила.

⁹Крилата им се допираа едно со другото. Одејќи не се вртеа: секое се движе-ше напред.

¹⁰И во сите четири суш-тества беше човечко лице, во сите четири оддесно лавско лице; во сите четири одлево воловско лице; и о-релско лице во сите четири.

¹¹Лицата им беа такви, а крилата им беа растегнати нагоре. Секое имаше две крила што се соединуваа и две крила со кои го покриваа телото.

¹²И секој одеше само напред. А одеа онаму каде што духот ги гонеше. И одејќи не се завртуваа.

¹³А среде тие суштества се гледаше нешто како некакви вжарени јаглења, како гламни што гореа, што се движеа меѓу нив; огнот светкаше, и молњи блескаа.

¹⁴Суштествата трчаа и пак се враќаа како секавица.

¹⁵Додека јас набљудував, ете: на земјата покрај секое од четирите суштества по едно тркало пред нивните лица.

¹⁶Тркалата му беа слични на хрисолит, сите четири со ист облик; според обликот и правењето беа како едното тркало да е во другото.

¹⁷При движењето можеа да одат во сите четири правци, а не требаа да се вратат.

¹⁸А краевите им беа високи и страшни, а кога набљудував подобро, ете, на сите страни полни со очи.

¹⁹Ка суштествата тргнуваа, тргнуваа со нив и тркалата, кога суштествата ќе се подигнеа од земјата, и тркалата се подигнуваа.

²⁰Каде што ги гонеше духот, таму се движеа, а заедно со нив се подигаа и тркалата, зашто духот на суштествата беше во тркалата.

²¹Па кога суштествата ќе тргнеа, тргнуваа и колцата, а кога ќе застанеа тие, застануваа и тркалата, кога тие се подигаа од земјата, и тр-кала се подигаа со нив, зашто духот на суштествата беше во тркалата.

²²Над главите на суштествата беше нешто како небесен свод, сличен на сјајен кристал, распрострен над нивните глави.

²³А под сводот раскрилени крила, едно спрема другото: на секого по две крила му го покриваа телото.

²⁴Го чув летањето на нивните крила како шум на големи води, како глас на Сèсилниот, а гласот на зборувањето како глас на војска. Кога суштествата застануваа ги спуштаа крилата.

²⁵Од сводот над нивните глави се слушаше глас и кога застануваа, ги спуштаа своите крила.

²⁶Над сводот над нивните глави беше нешто како каменот сафир, како престол: на тоа како престол, горе на него слично на некој човек.

²⁷И видов како сјајна ковина, внатре и наоколу како оган; од неговата половина нагоре и од неговата половина надолу нешто како оган и како блесок на сите страни.

²⁸Тој блесок на сите страни беше како божилак што при дождовни денови се јавува во облакот. Тоа беше нешто како Господовата слава. Видов, паднав ничкум и чув глас што ми зборуваше.