Read Библија, Константинов Езекиел 2 Bible Online

Езекиел 2 - Библија, Константинов bible

Езекиел 2

¹И ми рече: „Човечки сине, на нозе исправи се, за да зборувам со тебе!”

²И Дух влезе во мене, бидејќи ми проговори, та ме подигна на нозете, и јас го чув гласот на Оној Кој ми зборуваше.

³И ми рече: „Човечки сине, те испраќам кај Израелевите синови, кај одметничкиот народ што се побуни против Мене. Тие и нивните татковци грешеа против Мене сè до денешниот ден.

⁴Те испраќам кај синовите со тврд поглед и со закоравено срце. Речи им: ‘Господ над Војските зборува вака!’

⁵И послушале тие или непослушале - род се бунтовнички - нека знаат дека пророкот е меѓу нив.

⁶А ти, човечки сине, не бој се од нив и не плаши се од нивните зборови, иако трње те опкружува, и седиш меѓу самите скорпии. Не плаши се од нивните зборови и не бој се ни малку од нивниот поглед, зашто тие се род одметнички.

⁷Зборувај им ги моите зборови, послушале тие или непослушале, зашто се одметнички род.

⁸А ти човечки сине, послушај што ќе ти речам сега: Не биди одметник како што се тие одметнички род! Отвори ја устата и проголтај го тоа што ќе ти го дадам сега!”

⁹И погледнав, а ете кон мене испружена рака и во неа, ете, книжен свиток.

¹⁰И свитокот се одвитка пред мене: беше испишан однадвор и одвнатре, а во него напишано: „Плач! Ридање! Лелек!”