Read Библија, Константинов Амос 3 Bible Online

Амос 3 - Библија, Константинов bible

Амос 3

¹Чујте го Израелеви синови ова слово кое Господ го зборува против вас, против секој род што го изведов од Египетската Земја:

²„Само вас ве познав меѓу сите земни племиња, затоа ќе ве казнам за сите ваши гревови.”

³Одат ли двајца заедно ако не се договорат?

⁴Рика ли лавот во гората ако нема плен? Пушта ли лавчето глас во дувлото ако ништо не улови?

⁵Паѓа ли птицата на земјата ако нема клопка на неа? Се дига ли мрежата од земјата ако ништо не се фати?

⁶Труби ли трубата по градот ако Господ не ја испрати?

⁷Господ Бог не прави ништо а да не им ги открие Своите намери на Своите слуги - пророците.

⁸Лавот рика: кој не ќе се исплаши? Господ Бог зборува: кој не ќе пророкува?

⁹„Разгласете го ова по асирските дворци и по дворците во Египетската Земја; речете: „Соберете се на планините на Самарија, погледајте го големиот неред во неа и угнетувањето сред неа.

¹⁰Зашто не знаат да прават право,’ говори Господ. ‘Во дворците натрупуваат насилство и угнетување.’”

¹¹Затоа Господ Бог зборува вака: „Непријателот ќе ја опколи земјата, ќе ги разурне твоите тврдини, ќе ги ограби твоите дворци.”

¹²Господ зборува вака: „Како кога пастирот ќе истрга две листни коски или делче од уво од лавската уста, така ќе се истргаат Израелевите синови кои седат во Самарија на работ на постелата и на леглата.”

¹³Чујте и посведочете против Јакововиот дом - говори Господ Бог, Бог над Воинствата:

¹⁴„Во оној ден кога ќе го казнам Израел за злосторите ќе ги казнам и ветилските жртвеници; роговите на жртвеникот ќе се скршат и ќе паднат на земјата.

¹⁵Ќе ги разурнам зимската куќа и летната куќа, ќе пропаднат куќите од слонова коска. Многу куќи ќе исчезнат!” говори Господ.