Read Библија, Константинов Јона 2 Bible Online

Јона 2 - Библија, Константинов bible

Јона 2

¹Тогаш Јона се помоли на Господа, својот Бог, од рибината утроба.

²Тој рече: Во својата неволја извикав кон Господа и Тој ме послуша; извикав од утробата на Подземјето, и Ти ми го чу гласот.

³Ти ме фрли во длабочината, во срцето на морето, и водата ме опкружи. Сите Твои поплави и бранови минаа преку мене.

⁴Реков: ‘Отфрлен сум од пред Твоите очи. Но сепак ќе погледнам повторно кон Твојот свет храм.’

⁵Водите ме опкружија дури до душата моја, бездната ме опколи. Тревите ми ја завиткаа главата,

⁶слегов до корењата на планините. Околу мене беа засекогаш земните лостови. Но Ти извади го од јама мојот живот, О Господи, Боже мој.

⁷Кога изнемогна душата моја во мене, си спомнав за Господа, и мојата молитва влезе при Тебе, во Твојот свет храм.

⁸Оние кои се придружуваат кон суетните идоли, ја оставаат својата добродушност.

⁹А јас ќе ти принесам жртва со гласот на фалба. Што се заветував, ќе исполнам. Спасението е од Господа.”

¹⁰Тогаш Господ и заповеда на рибата, и таа го изблува Јона на копното.