Read Библија, Константинов Броеви (4 Moj.) 7 Bible Online

Броеви (4 Moj.) 7 - Библија, Константинов bible

Броеви (4 Moj.) 7

¹Во оној ден кога Мојсеј го сврши поставувањето на Шаторот и кога го помаза и го посвети со сите негови садови, а исто и жртвеникот со сите негови прибори,

²тогаш пристапија Израелевите главатари, старешините на нивните прадедовски домови, односно племенските водачи, кои го спроведуваа пописот,

³и ги доведоа пред Господа своите приноси: шест покриени коли и дванаесет волови - по една кола за двајца главатари и по еден вол за секој поединец. Ги доведоа пред Шаторот.

⁴Тогаш Господ му проговори на Мојсеја:

⁵„Прими го тоа од нив за употреба при службата во Шаторот на средбата; потоа подај му го тоа на секој левит според неговата служба.”

⁶Мојсеј ги зеде колите и воловите па им ги даде на левитите.

⁷Две коли и четири вола им даде на Гирсоновците според нивната служба,

⁸а четири коли и осум вола им даде на Мерариевците, според нивната служба под водство на Итамар, син на свештеникот Арон.

⁹На Каатовците не им даде ништо, зашто нивната задача беше да ги носат посветените нешта на раменици.

¹⁰Тогаш началниците принесоа принос за осветување на жртвеникот во денот на неговото помазание. Додека началниците ги принесуваа своите приноси пред жртвеникот,

¹¹Господ му рече на Мојсеја: „Секој ден по еден началник нека го донесе својот принос за осветување на жртвеникот!”

¹²Во првиот ден својот принос го донесе Насон, синот Аминадавов, од Јудиното племе.

¹³Неговиот принос беше: една сребрена чинија тешка сто и триесет шекели и една сребрена чаша од седумдесет шекели, според храмскиот шекел: и едното и другото беа наполнети со чисто брашно замешано со масло, за лебен принос.

¹⁴Потоа, една златна кадилница од десет шекели, полна со темјан;

¹⁵еден јунец, еден овен, едно јагне годиначе, за паленица;

¹⁶еден јарец за жртва за грев,

¹⁷а за помирителна жртва: два вола, пет овни, пет јариња и пет едногодишни јагниња. Тоа беше приносот на Насона, Аминадавовиот син.

¹⁸Во вториот ден својот принос го донесе Натанаил, Согаровиот син, кнезот на Исахаровците.

¹⁹Како свој принос донесе: една сребрена чинија тешка сто и триесет шекели и една сребрена чаша од седумдесет шекели, според светиот (храмски) шекел, двете полни со чисто брашно, измешано со масло, за лебен принос;

²⁰потоа една златна кадилница од десет шекели, полна со темјан;

²¹еден јунец, еден овен, едно јагне годиначе за паленица;

²²еден јарец за жртва за грев,

²³а за помирителна жртва: два вола, пет овни, пет јариња и пет едногодишни јагниња. Тоа беше приносот на Натанаила, Согаровиот син.

²⁴Во третиот ден својот принос го донесе началникот на Завулоновците, Елијав, синот Хелонов.

²⁵Неговиот принос беше: една сребрена чинија тешка сто и триесет шекели и една сребрена чаша од седумдесет шекели, според храмскиот шекел; двете полни со чисто брашно, измешано со масло, за лебен принос;

²⁶една златна кадилница, полна со темјан;

²⁷еден јунец, еден овен, едно јагне годиначе, за паленица;

²⁸еден јарец за жртва за грев;

²⁹а за помирителна жртва: два вола, пет овни, пет јариња и пет едногодишни јагниња. Тоа беше приносот на Елијава, Хелоновиот син.

³⁰Во четвртиот ден својот принос го донесе началникот на Рувимовците, Елисур, синот Седиуров.

³¹Неговиот принос беше: една сребрена чинија тешка сто и триесет шекели, една сребрена чаша од седумдесет шекели, според светиот шекел; двете полни со чисто брашно, измешано со масло, за лебен принос;

³²тогаш, една златна кадилница од десет шекели, полна со темјан;

³³еден јунец, еден овен, едно јагне годиначе, за паленица;

³⁴еден јарец за жртва за грев,

³⁵а за помирителна жртва: два вола, пет овни, пет јариња и пет едногодишни јагниња. Тоа беше приносот на Елисура, Седиуровиот син.

³⁶Во петтиот ден својот принос го донесе началникот на Симеоновите синови, Саламил, синот Сурисадаев.

³⁷Неговиот принос беше: една сребрена чинија тешка сто и триесет шекели, една сребрена чаша од седумдесет шекели, според храмскиот шекел; двете наполнети со чисто брашно, измешано со масло, за лебен принос;

³⁸една златна кадилница од десет шекели, полна со темјан;

³⁹еден јунец, еден овен, едно јагне годиначе, за паленица;

⁴⁰еден јарец за жртва за грев,

⁴¹а за помирителна жртва: два вола, пет овни, пет јариња и пет едногодишни јагниња. Тоа беше приносот на Саламила, Сурисадаевиот син.

⁴²Во шестиот ден својот принос го донесе началникот на Гадовите синови, Елисаф, синот Рагуилов.

⁴³Неговиот принос беше: една сребрена чинија тешка сто и триесет шекели, една сребрена чаша од седумдесет шекели според храмскиот шекел; двете наполнети со чисто брашно, измешано со масло, за лебен принос;

⁴⁴една златна кадилница од десет шекели полна со темјан;

⁴⁵еден јунец, еден овен, едно јагне годиначе, за паленица;

⁴⁶еден јарец за жртва за грев,

⁴⁷а за помирница: два вола, пет овни, пет јариња и пет едногодишни јагниња. Тоа беше приносот на Елисафа, Рагуиловиот син.

⁴⁸Во седмиот ден својот принос го донесе началникот на Ефремовците, Елисам, син Емиудов.

⁴⁹Неговиот принос беше: една сребрена чинија тешка сто и триесет шекели и една сребрена чаша од седумдесет шекели, според светиот шекел; двете полни со чисто брашно, измешано со масло, за лебен принос;

⁵⁰една златна кадилница од десет шекели, полна со темјан;

⁵¹еден јунец, еден овен, едно јагне годиначе, за паленица,

⁵²еден јарец за жртва за грев;

⁵³а за помирителна жртва: два вола, пет овни, пет јариња и пет едногодишни јагниња. Тоа беше приносот на Елисама, Емиудовиот син.

⁵⁴Во осмиот ден својот принос го донесе началникот на Манасиевите синови, Гамалаил, синот Фадасуров.

⁵⁵Неговиот принос беше: една сребрена чинија тешка сто и триесет шекели и една сребрена чаша од седумдесет шекели, според храмскиот шекел; полни со чисто брашно, измешано со масло, за лебен принос;

⁵⁶една златна кадилница од десет шекели, полна со темјан;

⁵⁷еден јунец, еден овен, едно јагне годиначе, за паленица;

⁵⁸еден јарец за жртва за грев,

⁵⁹а за помирителна жртва: два вола, пет овни, пет јариња и пет едногодишни јагниња. Тоа беше приносот на Гамалаила, Фадасуровиот син.

⁶⁰Во деветтиот ден својот принос го донесе началникот на Венијаминовите синови, Авидан, синот Гедеониев.

⁶¹Неговиот принос беше: една сребрена чинија тешка сто и триесет шекели и една сребрена чаша од седумдесет шекели; двете наполнети со чисто брашно, измешано со масло, за лебен принос;

⁶²една златна кадилница од десет шекели, полна со темјан,

⁶³еден јунец, еден овен, едно јагне годиначе, за паленица;

⁶⁴еден јарец за жртва за грев,

⁶⁵а за помирителна жртва: два вола, пет овни, пет јариња и пет едногодишни јагниња. Тоа беше приносот на Авидана, Гедеониевиот син.

⁶⁶Во десеттиот ден својот принос го донесе началникот на Дановите синови, Ахиезер, синот Амисадаев.

⁶⁷Неговиот принос беше: една сребрена чинија тешка сто и триесет шекели и една сребрена чаша од седумдесет шекели; двете наполнети со чисто брашно, измешано со масло, како лебен принос;

⁶⁸една златна кадилница од десет шекели, полна со темјан;

⁶⁹еден јунец, еден овен, едно јагне годиначе, за паленица;

⁷⁰еден јарец за жртва за грев,

⁷¹а за помирителна жртва: два вола, пет овни, пет јариња и пет едногодишни јагниња. Тоа беше приносот на Ахиезера, Амисадаевиот син.

⁷²Во единаесеттиот ден својот принос го донесе началникот на Асировците, Фагаил, синот Ехранов.

⁷³Неговиот принос беше: една сребрена чинија тешка сто и триесет шекели и една сребрена чаша од седумдесет шекели, според храмскиот шекел; двете наполнети со чисто брашно, измешано со масло, за лебен принос;

⁷⁴една златна кадилница од десет шекели, полна со темјан;

⁷⁵еден јунец, еден овен, едно јагне годиначе, за паленица;

⁷⁶еден јарец за жртва за грев,

⁷⁷а за помирителна жртва: два вола, пет овни, пет јариња и пет едногодишни јагниња. Тоа беше принос на Фагаила, Ехрановиот син.

⁷⁸Во дванаесеттиот ден својот принос го донесе началникот на Нефталимовите синови, Ахиреј, синот Енанов.

⁷⁹Неговиот принос беше: една сребрена чинија тешка сто и триесет шекели и една сребрена чаша од седумдесет шекели, според храмскиот шекел; двете наполнети со чисто брашно, измешано со масло, за лебен принос;

⁸⁰една златна кадилница од десет шекели, полна со темјан;

⁸¹еден јунец, еден овен, едно јагне од една година, за паленица;

⁸²еден јарец за жртва за грев,

⁸³а за помирителна жртва: два вола, пет овни, пет јариња и пет едногодишни јагниња. Тоа беше приносот на Ахиреја, Енановиот син.

⁸⁴Тоа беа приносите на Израелевите началници за осветување на жртвеникот во денот кога беше помазан: дванаесет сребрени чинии, дванаесет сребрени чаши и дванаесет златни кадилници.

⁸⁵Секоја сребрена чинија тежеше сто и триесет шекели; секоја чаша седумдесет шекели. Вкупно сребро во садовите имаше две илјади и четири стотини светилишни шекели.

⁸⁶Златни кадилници, полни со темјан, беа дванаесет; секоја кадилница тежеше десет храмски шекели. Сето злато во кадилниците тежеше сто и дваесет шекели.

⁸⁷Сиот добиток за паленици: дванаесет јунци, дванаесет овни, дванаесет едногодишни јагниња, со лебните приноси. За жртвата за грев: дванаесет јарци.

⁸⁸Сиот добиток за помирителната жртва: дваесет и четири јунци, шеесет овни, шеесет јариња и шеесет јагниња годиначиња. Тоа беа приносите за осветување на жртвеникот по неговото помазание.

⁸⁹Кога Мојсеј влегуваше во Шаторот на средбата, за да разговара со Бога, слушаше како му зборува глас одозгора од Покривот што беше на Ковчегот на сведоштвото, меѓу двата херувима. Тогаш му зборуваше.