Read Библија, Константинов 1 Коринќаните 16 Bible Online

1 Коринќаните 16 - Библија, Константинов bible

1 Коринќаните 16

¹А за собирањето милостини за светите, правете и вие како што им наредив на Галатските цркви.

²Во секој прв ден, секој од вас, нека оддели и остави при себеси колку што може, за да не се врши собирањето кога ќе дојдам.

³А кога ќе дојдам таму, ќе ги испратам, со писма, оние, кои вие ќе ги најдете за достојни, да го однесат дарот на вашата љубов во Ерусалим.

⁴А ако биде прилично да одам и јас, тие ќе тргнат со мене.

⁵При вас ќе дојдам, откако ќе ја поминам Македонија, зашто поминувам низ Македонија;

⁶а при вас можеби ќе се задржам, па и да презимувам, за да ме испратите каде што одам.

⁷Зашто не сакам да ве видам сега само на минување; но, се надевам да останам некое време при вас, ако Господ дозволи.

⁸Во Ефес ќе останам до Педесетницата,

⁹зашто ми се отвори за работа голема и делотворна врата, а противниците се многу.

¹⁰Ако дојде Тимотеј, гледајте да биде без страв меѓу вас, зашто и тој го работи Господовото дело како и јас.

¹¹Затоа никој да не го презира! Испратете го во мир, да дојде при мене, зашто го чекаме со браќата.

¹²Што се однесува за братот Аполос, многу го охрабрив да дојде при вас со браќата, но никако не сакаше да дојде сега; но ќе дојде кога ќе има прилика.

¹³Бдејте! Стојте цврсто во верата, бидете мажествени, бидете силни!

¹⁴Сè при вас да станува со љубов!

¹⁵Уште, ве молам браќа, да знаете за Стефановиот дом, дека тој е ахајски првенец и дека тие се посветија да им служат на светите.

¹⁶Покорувајте им се и вие на такви, и на секој што помага во делото и се труди!

¹⁷Се радувам на доаѓањето на Стефана, Фортуната и Ахаика, зашто тие го надоместија вашето отсуство

¹⁸и зашто го освежија и мојот и вашиот дух. Затоа признавајте ги таквите!

¹⁹Ве поздравуваат азиските цркви. Ве поздравуваат многу во Господа Акила и Прискила со својата домашна црква.

²⁰Ве поздравуваат сите браќа! Поздравете се еден со друг со свет целив!

²¹Поздравот е со мојата, Павлова рака.

²²Кој не Го љуби Господа да биде проклет! Мараната!

²³Благодатта на Господа Исуса да биде со вас.

²⁴И мојата љубов со сите вас во Христа Исуса. Амин!