Read Библија, Константинов 2 Коринќаните 9 Bible Online

2 Коринќаните 9 - Библија, Константинов bible

2 Коринќаните 9

¹А во однос на собирање помош за светите, излишно е да ви пишувам,

²зашто ми е позната вашата усрдност, за која се фалам со вас пред Македонците, дека Ахаја, уште од лани, е приготвена и дека вашата ревност поттикнала мнозина.

³Сепак ги испраќам браќата, за да не се покаже, во овој однос, празно нашето фалење со вас и за да бидете, како што реков, приготвени,

⁴и ако дојдат со мене Македонците и ве најдат неприготвени, да не се засрамиме ние, да не речам вие.

⁵И така, сметав за потребно да ги замолам браќата да отидат пред нас при вас, и да го приготват однапред вашиот отпорано најавен дар на благослов, така што да биде готов како благослов, а не како користољубие.

⁶А ова го велам: кој сее скржаво, скржаво и ќе жнее; кој сее во благослов, во благослов и ќе жнее!

⁷Секој нека даде како што одлучил во срцето, а не со жал и не од принуда, зашто Бог го љуби радосниот дарител.

⁸А Бог е силен да направи сета благодат да се излее изобилно врз вас, за да имате во сè секогаш сè што е потребно и да ви остане за секое добро дело,

⁹како што е напишано: „Растури, им даде на бедните, Неговата правда останува вечна.”

¹⁰Оној Кој му дава семе на сејачот, ќе му даде и леб за храна; и ќе го умножи вашето семе и ќе направи да израстат плодовите на вашата правда;

¹¹и да бидете богати во сè за секаква дарежливост, која преку нас предизвикува благодарност кон Бога.

¹²Зашто извршувањето на оваа света служба, не само што им ја надополнува скудноста на светите, туку и се возвишува со тоа што мнозина Му благодарат на Бога;

¹³тие се вредното извршување на оваа служба и се поттикнати да Го слават Бога, за вашето покорно признавање на Евангелието за Христа и за дарежливоста на вашето заедништво со нив и со сите,

¹⁴и со својата молитва покажуваат дека копнеат по вас, заради преизобилната Божја благодат во вас.

¹⁵Благодарение на Бога за Неговиот неискажлив дар.