Read Библија, Константинов Галатите 6 Bible Online

Галатите 6 - Библија, Константинов bible

Галатите 6

¹Браќа, ако и да падне некој во некаков грев, вие, кои сте духовни, поправувајте го таквиот во духот на кротоста, но чувај се себеси и ти да не бидеш искушан.

²Носете ги бремињата еден на друг, и со тоа ќе го исполните законот Христов!

³Зашто, ако некој мисли дека е нешто, а не е ништо, самиот се измамува.

⁴А секој да го испита своето дело, па тогаш ќе има пофалба само пред себеси, а не пред друг.

⁵Зашто секој ќе го носи своето бреме.

⁶А кој се учи на словото, нека ги дели сите свои добра со оној, кој го учи.

⁷Не лажете се: Бог не дозволува да биде изигран! Зашто што човекот ќе посее, тоа и ќе жнее:

⁸кој сее во своето тело, од телото ќе пожнее погибел; а кој сее во Духот, од Духот ќе пожнее вечен живот.

⁹Да не бидеме уморни да правиме добро, зашто ќе жнееме во право време, ако не се умориме.

¹⁰Затоа, додека имаме време, да им правиме добро на сите, а најмногу на оние, кои припаѓаат на нашето семејство по вера.

¹¹Видете, колкави букви ви напишав со сопствена рака!

¹²Сите оние, кои сакаат да се прават важни со телото, тие ве приморуваат да се обрезувате, само за да не бидат гонети заради Христовиот крст.

¹³Зашто ни самите тие, кои се обрезуваат, не го пазат Законот, а сакаат вие да се обрезувате, за да се фалат со вашето тело.

¹⁴А јас сум далеку од тоа да се фалам со нешто друго, освен во крстот на нашиот Господ Исус Христос, преку Кого светот е распнат за мене и јас за светот!

¹⁵Зашто ниту обрезанието е нешто ниту необрезанието, туку ново создание.

¹⁶И на сите, кои ќе го следат ова правило - мир и милост, на нив, и на Божјиот Израел.

¹⁷Во иднина никој да не ми досадува повеќе, зашто ги носам Исусовите рани во своето тело.

¹⁸Браќа, благодатта на нашиот Господ Исус Христос да биде со вашиот дух! Амин!