Read Библија, Константинов 1 Солунците 1 Bible Online

1 Солунците 1 - Библија, Константинов bible

1 Солунците 1

¹Павле и Силван и Тимотеј до црквата на Солунјаните, во Бог Таткото и Господа Исуса Христа, благодат вам и мир.

²Секогаш Му благодариме на Бога за сите вас, кога ве спомнуваме во своите молитви,

³зашто си спомнуваме постојано за делата на вашата вера, и за трудот на вашата љубов и за вашата трпелива надеж во нашиот Господ Исус Христос, пред нашиот Бог и Татко.

⁴Знаејќи, од Бога возљубени браќа, дека вие сте избрани;

⁵зашто нашето проповедање меѓу вас не беше само со слово, туку и во сила, и во Светиот Дух, и во полна увереност; како што знаете какви бевме меѓу вас заради вас.

⁶И вие се угледавте на нас и на Господа, примајќи го словото во голема неволја, со радоста на Светиот Дух,

⁷така што им станавте пример на сите верници во Македонија и Ахаја.

⁸Зашто, од вас Господовото слово се разгласи не само во Македонија и Ахаја, туку вашата вера во Бога се расшири во секое место, така што нема потреба ние да зборуваме нешто.

⁹Имено, самите раскажуваат за нас, каков пристап имавме кон вас и како се обрнавте кон Бога од идолите, за да Му служите на живиот и вистински Бог

¹⁰и да Го чекате Неговиот Син од небесата, Кого Го воскресна од мртвите, Исуса, Кој нè ослободува од гневот што доаѓа.