Read Библија, Константинов Исус Навин 19 Bible Online

Исус Навин 19 - Библија, Константинов bible

Исус Навин 19

¹Втората жрепка излезе за Симеона, за племето на Симеоновите синови според нивните семејства: нивното наследство беше среде Јудините синови.

²Им беа доделени како наследство: Вир-Савеа, Савеа, Молада;

³Асар-Суал, Вала, Асем;

⁴Елтолад, Ветул, Орма:

⁵Сиклаг, Вет-Маркавот, Асар-Суса;

⁶Вет-Леваот и Саруен: тринаесет градови и нивните села.

⁷Аин, Ремон, Етер и Ашан: четири градови и нивните села.

⁸И сите населби што се околу тие градови, до Валат-Вира, Раман Негев. Тоа е наследството на племето на Симеоновите синови според нивните семејства.

⁹Наследството на Симеоновите синови беше од делот на Јудините синови, зашто делот доделен на Јудините синови беше преголем за нив. Затоа Симеоновите синови го добија своето наследство среде нивното наследство.

¹⁰Третата жрепка излезе за синовите на Завулоновото племе според нивните семејства: нивното подрачје стигаше до Сарида,

¹¹откаде нивната меѓа се искачуваше на запад до Марала, стигнуваше до Давасет и допираше до потокот што е спроти Јокнеам.

¹²Од Сарида меѓата свртуваше кон исток, сè до меѓата на Кислот-Тавор, откаде излегуваше до Даврат и се искачуваше до Јафа.

¹³А оттаму одеше пак кон исток, до Гита Ефер и до Ита-Касин, излегуваше на Ремон и се враќаше до Неа.

¹⁴Оттаму свртуваше од север околу Анатон и завршуваше во долината Јефта-Ил.

¹⁵Па Катат, Налал, Симрон, Идал и Витлеем: дванаесет градови со своите села.

¹⁶Тоа беше наследството на Завулоновите синови според нивните семејства: тие градови со нивните села.

¹⁷Четвртата жрепка излезе за Исахар, за Исахаровите синови според нивните семејства.

¹⁸А пределот им беше: Езраел, Кесулот, Суним;

¹⁹Афераим, Сеон, Анахарат;

²⁰Равит, Кисион, Авес;

²¹Ремет, Ен-Ганим, Ен-Ада и Вет-Фасис.

²²Потоа меѓата допираше до Тавор, Сахасим и Вет-Семес и излегуваше на Јордан: шеснаесет градови со нивните села.

²³Тоа е наследството на племето на Исахаровите синови според нивните семејства: тие градови со своите села.

²⁴Петтата жрепка излезе за племето на Асировите синови според нивните семејства.

²⁵Нивната земја беше: Хелкат, Али, Ветен, Ахсаф;

²⁶Аламелех, Амад, Мисал. На запад меѓата допираше до Кармел и до Сихот-Ливнат.

²⁷Потоа завртуваше кон сончевиот исток до Вет-Дагон, и допираше до Завулон и до долината Ефтаил од север; натаму се тегнеше низ Ветемек и Наил и стигнуваше до Хавул одлево,

²⁸па Хеврон, Реов, Амон и Кана сè до Големиот Сидон.

²⁹Тогаш меѓата свртуваше кон Рама и до тврдиот град Тир, па завртуваше кон Оса и излегуваше на море. Ги опфаќаше Махалев, Ахсив.

³⁰Ама, Афек и Реов: дваесет и два града со нивните села.

³¹Тоа е наследство на племето на Асировите синови според нивните семејства: тие градови и нивните села.

³²Шестата жрепка излезе за Нефталимовите синови според нивните семејства.

³³Нивната меѓа оди од Елав и од Алон во Сананим, од Адами-Некева и од Јавнил до Лакум и излегува на Јордан.

³⁴Потоа меѓата свртува на запад кон Азнот-Тавор и се тегне оттаму кон Укок; на југ допира до Завулон, на запад до Асир и до Јуда на исток до Јордан.

³⁵Утврдени градови беа: Сидим, Сер, Амат, Ракат, Хинерот;

³⁶Адама, Рама, Асор,

³⁷Кадес, Едреј, Ен-Асор;

³⁸Ирон, Мигдал-Ил, Орем, Вет-Анат, Вет-Семес: деветнаесет градови со своите села.

³⁹Тоа е наследството на племето на Нефталимовите синови според нивните семејства: тие градови и нивните села.

⁴⁰Седмата жрепка излезе за племето на Дановите синови според нивните семејства.

⁴¹Подрачјето на нивното наследство беше: Сар, Естаол, Ир-Семес,

⁴²Салавин, Ајалон, Етла,

⁴³Елон, Тамната, Акарон,

⁴⁴Елтекон, Гиветон, Валат,

⁴⁵Јуд, Вани-Варак, Гат-Римон,

⁴⁶Ме-Јаркон и Ракон со подрачјето кон Јопа.

⁴⁷Ама подрачјето на Дановите синови беше претесно за нив; затоа Дановите синови удрија на Лесем, го освоија и погубија сè со острилото на мечот, и Лесем го нарекоа Дан, по името на Дан, својот татко.

⁴⁸Тоа е наследството на племето на Дановите синови според нивните семејства: тие градови и нивните села.

⁴⁹Кога ја завршија делбата на земјата со жрепка и ги утврдија нејзините меѓи, Израелците му дадоа на Нсуса, синот Навинов, наследство во својата средина.

⁵⁰По Господовата заповед му го дадоа градот што го сакаше за себе: Тамнат-Сарах во Ефремовата Гора; тој го утврди градот и се настани во него.

⁵¹Тоа се наследствата што свештеникот Елеазар и Исус, синот Навинов, и главатарите на израелските племиња ги поделија со жрепка меѓу израелските племиња во Сило, пред Господа, при вратата на Шаторот на средбата. Така ја завршија делбата на земјата.