Read Библија, Константинов Исус Навин 21 Bible Online

Исус Навин 21 - Библија, Константинов bible

Исус Навин 21

¹Тогаш главатарите на левитските татковски домови појдоа кај свештеникот Елеазар и кај Исуса, Навиновиот син, и кај племенските главатари на Израел.

²И им рекоа во Сило, во Ханаанската земја: „Господ заповеда преку Мојсеја да ни се дадат градови каде ќе живееме и пасишта околу нив за нашиот добиток.”

³Израелците им ги дадоа на левитите од своето наследство, според Господовата заповед овие градови со нивните пасишта.

⁴И така излезе жрепка за Каатовото семејство: на левитите, на потомците на свештеникот Арон, им припаднаа триесет градови од племињата: Јудиното, Симеоновото и Венијаминовото;

⁵На другите Каатови синови им припаднаа со жрепка според семејствата десет градови од племињата: Ефремовото и Дановото и од половината племе Манасиево.

⁶Гирсоновите синови добија според семејствата тринаесет градови од племињата: Исахаровото, Асировото и Нефталимовото и од половината племе Манасиево во Васан.

⁷На Мерариевите синови според нивните семејства им припаднаа дванаесет градови од племињата: Рувимовото, Гадовото и Завулоновото.

⁸Така, Израелците со жрепка им ги доделија на левитите тие градови со пасиштата, како што беше заповедал Господ преку Мојсеја.

⁹Од племето на Јудините синови и од племето на Симеоновите синови беа доделени овие градови што се спомнуваат по име:

¹⁰на Ароновите синови во Каатовите левитски семејства, зашто првата жрепка беше за нив,

¹¹им припаднаа Киријат-Арва, главниот град на Анаковците, односно Хеврон, во Јудината Гора, со пасиштата наоколу.

¹²Ама полињата околу тој град со селата наоколу веќе му беа дадени во наследство на Халев, Јефониевиот син.

¹³На синовите на свештеникот Арон им припаднаа градот - засолниште Хеврон со пасиштата и Ливна со пасиштата;

¹⁴Јатир со пасиштата, Естемоја со пасиштата,

¹⁵Олон со пасиштата, Давир со пасиштата,

¹⁶Аин со пасиштата, Јута со пасиштата, Вет-Семес со пасиштата. И така, девет градови од оние две племиња.

¹⁷Од Венијаминовото племе: Гаваон со пасиштата, Гаваја со пасиштата,

¹⁸Анатот со пасиштата, Алмон со пасиштата. И така, четири града.

¹⁹Така свештениците, Ароновите синови, добија вкупно тринаесет градови со нивните пасишта.

²⁰На другите левити со семејствата на Каатовите синови со жрепка им припаднаа градовите на Ефремовото племе.

²¹Им ги дадоа: градот - засолниште Сихем со неговите пасишта на Ефремовата Гора, потоа Гезер со пасиштата,

²²Кивсаим со пасиштата, Вет-Орон со пасиштата: четири града.

²³Од Дановото племе ги добија: Елтекон со пасиштата и Гиветон со пасиштата,

²⁴Ајалон со пасиштата и Гат-Римон со пасиштата: четири града.

²⁵Од половината Манасиево племе: Танах со пасиштата и Гат-Римон со пасиштата: два града.

²⁶Вкупно семејствава на другите Каатови синови добија десет градови со пасиштата.

²⁷На Гирсоновите синови, на левитските семејства им ги дадоа од половината Манасиево племе градот - засолниште Голан во Васан и Вестера со нивните пасишта: два града.

²⁸Од Исахаровото племе: Кисон со пасиштата, Даврот со пасиштата,

²⁹Јармут со пасиштата и Ен-Ганим со пасиштата: четири града.

³⁰Од Асировото племе: Мисал со пасиштата, Авдон со пасиштата,

³¹Хелкат со пасиштата и Реов со пасиштата: четири града.

³²Од Нефталимовото племе: град - засолниште Кедес во Галилеја со пасиштата, Амот-Дор со пасиштата и Картан со пасиштата: три града.

³³Вкупно Гирсонови градови според нивните семејства беа тринаесет со пасиштата.

³⁴На семејствата на Мерариевите синови, на левитите што останаа им ги дадоа од Завулоновото племе: Јокнеам со пасиштата, Карта со пасиштата,

³⁵Димна со пасиштата, Налол со пасиштата: четири града.

³⁶Од онаа страна на Јордан, од Рувимовото племе, им ги дадоа: градот - засолниште Восор со пасиштата на пустинската висорамнина, Јаза со пасиштата,

³⁷Кедимот со пасиштата, Мефат со пасиштата; четири града.

³⁸Од Гадовото племе: градот - засолниште Рамот во Галада со пасиштата, Маханаим со пасиштата,

³⁹Есевон со пасиштата, Јазир со пасиштата: четири града.

⁴⁰Вкупно им беа доделени со жрепка на семејствата на Мерариевите синови, на левитите што останаа, дванаесет градови.

⁴¹Така среде наследството на Израелевите синови беа четириесет и осум левитски градови со пасиштата.

⁴²Секој тој град имаше и пасишта наоколу. Така беше со сите спомнати градови.

⁴³Така Господ им ја даде на Израелците сета земја за која се заколна дека ќе им ја даде на нивните татковци. Ја примија во сопственост и се населија во неа.

⁴⁴И Господ им даде да се одморат во мир на сите меѓи, како што им се беше заколнал на нивните татковци. Никој од нивните непријатели не беше способен да им даде отпор.

⁴⁵Од сите ветувања што Господ му ги даде на Израелевиот дом ниедно не остана неисполнето. Сè се исполни.