Read Библија, Константинов 2 Солунците 1 Bible Online

2 Солунците 1 - Библија, Константинов bible

2 Солунците 1

¹Павле и Силван и Тимотеј до црквата на Солунјаните во Бог, нашиот Татко, и Господа Исуса Христа:

²Благодат вам и мир од Бог нашиот Татко и Господа Исуса Христа.

³Должни сме секогаш да Му благодариме на Бога за вас, браќа, како што е право, зашто вашата вера расте многу; и се умножува меѓусебната љубов на секој од вас,

⁴така што ние сами се фалиме со вас меѓу Божјите цркви заради вашето трпение и верата во сите ваши гонења и маки, што ги поднесувате.

⁵Тоа е знак на праведниот Божји суд, за да се сметате достојни за Божјото Царство, за кое и страдате.

⁶Зашто е праведно пред Бога: да им врати мака на оние кои ве измачуваат,

⁷а вам, на измачуваните, олеснување заедно со нас, кога ќе се јави Господ Исус од небото, со ангелите на Својата сила,

⁸во пламенен оган, за да даде одмазда на оние кои не Го познаваат Бога и кои не му се послушни на Евангелието на нашиот Господ Исус Христос;

⁹кои ќе бидат казнети со вечна пропаст далеку од лицето на Господа и од славата на Неговата сила,

¹⁰кога ќе дојде, во оној Ден, да се прослави во Своите свети и да Му се восхитуваат сите верни, зашто вие му поверувавте на нашето сведоштво.

¹¹Затоа и се молиме секогаш за вас: нашиот Бог да ве смета достојни на звањето, и да ја исполни секоја добра волја во добрина и делото на вашата вера во сила,

¹²за да се прослави името на нашиот Господ Исус, во вас, и вие во Него, по благодатта на нашиот Бог и Господ Исус Христос.