Read Библија, Константинов 3 Јован 1 Bible Online

3 Јован 1 - Библија, Константинов bible

3 Јован 1

¹Старешината до возљубениот Гај, кого го љубам во вистина.

²Возљубен мој, ти посакувам да ти биде добро во сè и да бидеш здрав, како што и е добро на твојата душа.

³Имено, многу се зарадував кога дојдоа браќата и посведочија за твојата вистина, како ти одиш во вистина.

⁴За мене нема поголема радост од тоа: да чујам дека моите деца одат во вистина.

⁵Возљубен мој, постапуваш верно во сè што правиш за браќата, и тоа за туѓинците,

⁶кои пред црквата ја посведочија твојата љубов; ќе направиш добро, ако ги испратиш по начин, како што е достојно пред Бога,

⁷зашто тргнаа поради Неговото име, не примајќи ништо од народите.

⁸И така, ние сме должни да ги примаме таквите, за да станеме соработници за вистината.

⁹пишав нешто на црквата, но Диотреф, кој сака да биде прв меѓу нив, не нè прими нас.

¹⁰Затоа ако дојдам таму, ќе потсетам за неговите дела, што ги врши, напаѓајќи нè со лоши зборови, и не се задоволува со тоа, туку сам не ги прима браќата, а на оние кои сакаат да ги примат, им забранува и ги гони од црквата.

¹¹Возљубен мој, не угледувај се на злото, туку на доброто. Кој прави добро од Бога е; кој прави зло, не Го видел Бога.

¹²За Димитрија имаше сведоштво од сите - и од самата вистина. А и ние сведочиме; а знаеш дека нашето сведоштво е вистинско.

¹³Имав да ти пишувам многу, но не сакам да ти пишам со мастило и перо,

¹⁴а се надевам дека ќе те видам скоро, и ќе разговараме усно.